佢差d想殺左我.. [已經唔係第一次 不過無行動 只係係咁講..後來報左警所以佢冷靜左 後尾就無事]
之後今次佢扯我d頭髮... 禁我落地仲話想同我一齊死,,[以上動作維持左勁耐 我事後梳頭甩左好多好多頭髮...]
攬住一齊死.一齊跳樓..反正佢無乜朋友[工作時段關係]
又無乜親人[其實佢有3個呀哥,但係佢話d親人個個自己有個家庭]
之後佢發哂癲咁話想捏死我之後問我洗唔洗考慮跟老豆定跟佢.
我話要,之後佢就放左手. 後尾佢無問就叫我出門口返我老豆度。
我老豆個面,我呀媽因為懷疑佢吸毒所以同佢分居[但沒有證據]
但我細個個陣.1我老豆都因為發癲打我..所以我都驚左佢。
後來係我呀媽同佢分居個段時間,我老豆已經同左佢細佬個老婆一齊左[因為佢細佬已經過左身]..
我覺得我呀媽同我老豆都好恐怖...
我呀媽成日都以為我老豆想害佢,想殺左佢。
之後又話我都流緊老豆d血,所以我都想殺佢.
我問佢係咪諗太多,不如睇下心理醫生.佢又話我唔信佢。
又話我幫哂老豆..又叫我返老豆度.
而我老豆個面真係超複雜.. 佢d兄弟唔係包2奶就隋過幾次胎..仲發生好多不幸既事...
迷信d咁講...真係好邪
而家我係朋友屋企住緊..但係我都知道唔可以成幾年都靠人嫁~
但係我而家得14歲半[12月生日就15]..
我唔想去呀媽同老豆度..但又無親戚.. 可以點做??
更新1:
係... 自問我唔係好乖個堆.. 但我已經肯比心機讀書.. 不過我考得好唔好佢都唔多理.. 我曾經有段時間真係好唔聽教,但我而家都識後悔。 但我而家真係覺得佢好恐怖...我真係唔想返去。
更新2:
你唔係我,難怪你唔明我.係同佢嘈交之前,我一直都有勸佢搵下社工傾下計。但係佢都唔肯,又話社工幫佢唔到,搵黎都哂氣。係佢自己要轉牛角... 佢自己又死口話自己無問題,想開解都開解唔到佢。我都試過等佢心情好既時候坐低同佢冷靜咁傾. 之後佢又以為我唔信佢,又問我係咪想夾埋老豆害死佢... 前幾日我屋企電話有兩次有個女人打黎問係咪xxx小姐[我呀媽個名] 但係問完就收左線。 我呀媽又以為係咪老豆想搵殺手殺佢,之後特登打電話睇佢係唔係度... 唔知係真係咁多人想害佢,定真係有被害妄想症...
