所以至今行動都不太方便(行路時會柺下柺下)
而且站立的姿態亦不能筆直(整個人都彎向一邊)
直至前幾天,發生了一個意外,
爸爸一個人去買野時,在樓下大堂跌倒了,
結果要保安通知我媽扶佢返黎
當時都見到佢額頭一角"魚"左,
佢好唔舒服,行步路都冇哂力,食野都食唔係好得,
咁立刻帶佢去睇醫生,
照過x光,d骨又冇事(頭同頸都冇事)
醫生就話觀察48個鐘頭,有冇嘔同頭暈等腦震盪既徵狀,
有既就要再返去,跟住就開d止痛藥俾我地就算.
果兩日我爸冇嘔又冇頭暈,但係就痛得好辛苦...
食d止痛藥都好似冇咩效...
問佢邊到痛,
佢話係下巴骨到頸個位同埋後面頸頭髮位置果到好痛
食野時好辛苦,隻手又冇哂力(有時連門都開唔到),
行路果時又好似失左平衡咁東歪西倒
我話睇多次醫生,爸佢又話冇用,醫生都只係會開d止痛藥俾佢.
但見佢咁辛苦,我又唔知可以點做...
究竟我爸佢有咩事?點解果個位置會痛?
手又會冇哂力?
有冇d咩方法可以治療?
有冇藥物可以幫到佢?
我真係好擔心...但佢又唔肯再睇醫生,我又怕醫生又只係會開d止痛藥俾佢就算....
麻煩大家,唔該大家幫幫我...!
更新1:
多謝大家既意見,你地都幫到我! 今日爸爸佢話隻手掌位有d麻痺既感覺, 而且佢話麻痺既部份開始擴散, 我發覺佢宜家隻手都舉唔過個頭 舉得太過就好似冇哂力,好辛苦 究竟係咪真係整傷左條頸椎所致? 但照x光明明又冇事喎..... 但我聽日都會帶爸爸睇多次西醫先(我爸比較固執,佢食開d西藥,比較少接觸中醫), 等西醫幫佢唔到,我就遊說佢睇中醫
