✔ 最佳答案
要兩個月長咁多?好似難d喇…應該咁講…恕我直言…無乜可能先真…
有段時間呢,我都想長得好快,用盡方法,乜都夠膽試,點知適得其反,有少許甩頭髮情形出現tim!!嚇餐死呀!即刻停左唔敢再試!後來,有位醫生教我。方法如下:
每朝起身,先慢慢梳順頭髮,唔好用力扯頭髮呀!千祈唔好!等頭髮好順既時候,就用雙手,輕力按摩頭皮,慢慢係頭皮上面打圈,用手指喎!你會感覺到,成個頭慢慢有少少熱既感覺,就ok喇!
跟住就可以梳頭返工或者返學了!如果,你同我一樣,都會每朝沖涼洗頭先出門既,最好就等頭髮自然風乾喇。用風筒吹乾,其實係好傷頭髮架!少用為妙,明無?
好喇,到左夜晚,臨訓之前,同樣做一次按摩頭皮既動作,不過,時間就要做耐少少喎,係朝早既一倍時間,以我黎計,大約20分鐘,分兩次喇。臨訓,梳順返d頭髮,就得喇。
同埋呢,定期去修剪一下髮尾,都會有幫助頭髮生長既~
果然,頭髮會長得快左架!^_^~你試試呃~~
醫生吩咐過,唔好染髮同盡量少電髮,等頭髮自然生長,咁,你就會有一把靚靚既長髮架喇^_^~~係我少許既經驗~
希望幫得到你喇^_^~~~~