做事情有很多顧慮

我做事情有很多顧慮，容易緊張、畏首畏尾、怕同人接觸

例如：想去剪頭髮，會花幾日行遍整個區觀察每間店。留意裡面d職員是否很多、是否成班「飛仔」。多人、型格、食煙的不會進。樓上舖的話會到對面馬路望上去。直到搵到一間感覺不錯，接著又會響門口徘徊，唔係好敢入去，有時dum左好耐結果會搵過第二間，或者到第二日少人d既時間先敢入去。

試過去快餐店買早餐，唔肯定個價錢係套餐價 / 單買價，我想買套餐，萬一個價錢不是套餐價會貴好多，驚去買既時候會很貴，人地禁左機唔買會好瘀，排隊去問唔買又好奇怪。

有次去福利機構唸住報義工訓練課程，見唔到有報名表格或張程，唔敢問職員，最後無報。

以往成日遇到不好的人和事 -- 去剪頭髮入左黑店迫我做treatment比錢、打電話問社工問題，比佢用d好重既語氣串我咁主動搵解決辦法，又用好惡死既語氣叫我出去參加課程唔想幾個月之後又聽到我既電話(我只係打過一次)。

我知我咁既性格好難出黎做事做人, 我好想改變, 有無辦法
有無人可以幫下我