更新1:
我都係佢門口見到染髮$68, 電髮$58. 見咁平就同朋友一齊去試下, 不過真係好失望同憤怒!!!首先入到去, 明明有位坐, 服務員竟然叫我出去行一陣先番黎, 真離譜, 朋友就入去剪髮先. 之後問職員,原來$58電髮唔係普通電髮, 竟然係補髮, 問佢普通電髮幾錢, 最平都要百幾蚊. 間舖門口明明寫$58電髮, 又冇特別注明只限補電.又冇寫$58 起. 真係取巧!!取巧既唔淨只電髮. 門口大大隻字寫染髮$68, 包洗, 焗,恤.冇寫其他條款. 原來又係搵笨, $68係局部染髮, 唔係成個頭染, 又唔係highlight, 個服務員話係染一汁頭髮果d先係,我之後又問係咪包焗油, 佢又話講左d 無理藉口, 話染唔上色既客先會幫佢地焗.呢度染髮最平要$100. 不過一場黎到就算啦就幫親佢一次咁多. 點知個人都唔知係咪做野. 染到我成面同頸手都污糟哂, d 頭髮搽完染髮制可以唔小心到整到我塊面, 比自己染更恐怖. 我發現到奇怪既係入邊洗頭,treatment,染髮剪髮都係同一個人做,真係好唔專業!d 人唔知有冇受過訓練, 一係就係新人!! 我朋友剪髮就慘囉, 個師傅完全唔識剪, 我朋友本身頭髮唔長,諗住去修下個髮型,點知個師傅係咁同佢愈剪愈短,還剪左成個鐘!!期間我朋友太唔滿意,已經轉過髮型師. 總之, 呢次真係黑仔! 幫親既要好好考慮呀!