(20分)超急 !樹仁輔導及心理學系面試....

樹仁從來唔會公佈收生成績, 因為面試比例係好重, 單憑AL成績好難講你入學機會. 過往試過因為有學生面試表現唔好, 雖然AL成績好都唔收.



新傳其實幾睇語文成績, 平均2D雖然係最基本, 但你要預有唔少其中一科語文最少有C的學生同你爭. 輔心感覺上無新傳咁熱門, 咁多人爭, 通常新傳、BBA、會計呢三個系多人留意D.



新傳、心理同輔心都有筆試做. 但因為樹仁只會In你所填的第一志願, 所以一定要想清楚填邊個上去. 新傳筆試考時事, 所以你一定要睇過往一年新聞, 而且最好有個人意見. 輔心及純心筆試會做心理測驗, 計分的. 新傳及輔心都係小組面試. 新傳會討論下時事, 輔心可能會幾個人設計一個遊戲. 不過, 以上僅供參考, 因為面試內容未必年年相同.



如果你想做臨床心理學家, 最基本要求是臨床心理學碩士畢業. 因為只有中大及港大有這個碩士課程, 而且港大唔係年年開, 所以收生名額唔多. 香港已經有唔少大學有心理學課程, 所以心理學degree要有一定成績先可以入臨床心理學碩士, 但我未聽過有樹仁畢業生入到兩大的臨床心理學碩士.



做教育心理學家係要完成教育心理學碩士, 該碩士入學要求係要完成心理學學位課程.



樹仁係無social science課程, 呢樣亦係唔少想報樹仁學生的一種誤解. 學校的social science有幾個分支: 社工、社會學、純心及輔心. 你interview時唔好同人講你係想入social science(社會科學), 咁樣多數game over.