(十分十分重要,法律問題)急急急..請求各法律界專業人士

[匿名]

2009-07-10 2:43 am

小弟完本諗住搭朋友車番公司，朋友架車係用泥送私煙既，係黃大仙過路障既時候，我個朋友之前有守行為援刑底所以就衝左路障，大約200米後俾5-6架警車截停左，咁車上面有四個人，我就坐右後位置，咁當警察截停之後除即係馬路搜車，係左上車位太陽檔搵到1包k仔，係車尾箱搵到幾十條私煙，跟住4個人就番差館落口供，司機就認左d私煙係佢自己既，咁我地3個人包括司機根本唔知左上方既太陽檔內有包k仔(因為部車都係借番泥既)咁車主都泥差館落左口供，話部車係成日借俾人既..但係車上面四個人就out左份擔保(涉嫌管有危險藥物)，打完指毛，影相都係拎住印有DD既A4紙泥影，依家等8月15號轉擔保，依家我想問如果4個人落口供時都話唔知車上有k仔(口供吻合)，咁律政司會唔會檢控到我地dd，同埋我地跟本就唔知車上有k仔，我地依家最好可以做d咩？無事既機會大唔大？點解車上有k仔會4個都涉嫌管有危險藥物？係咁轉擔保轉到無事既機會大唔大？麻煩各專業人仕講解依家警察既情序，可能發生既結果，一切既解決方法，本人係白手，好驚就咁有個dd底，十萬個感謝......

更新1:

回:K仔份量只有0.2-0.3到

更新2:

你想要d咩料= =?十萬個感謝

回答 (1)

用戶2684

2009-07-10 4:39 am

✔ 最佳答案

本來唔答匿名問題, 因為 d 人成日睇完答案就 delete, 食霸王餐. 但見你幾緊張, 答吓你睇吓幫唔幫到手. 唔好睇完答案就 delete 呀!
車上有 k 仔, 好自然就告車上乘客. 法例定義係在你可控制內範圍揾到嘅嘢, 就可當你管有. 所以成日有 d 靚仔坐喺花槽邊吹水, 俾警察查身分證, 而在花槽揾到毒品, 就會告佢.
既然唔知毒品係邊個嘅, 當然 4個一齊告. 你哋口供吻唔吻合, 對佢告唔告你會係重要因素. 但唔代表咁就唔告你, 因為有可能你地預先夾口供. 警方重會睇吓其他証據, 例如毒品數量, 包嘢上面有無你哋指模, 車主口供等.
通常喺呢 d 案, 最大嫌疑係司機, 即係你揸車果個朋友, 因為佢衝撈薄胳. 佢話因為私煙啫, 亦有可能因為 d 毒品嘛! 所以警方會重點查佢. 如果有人証明到你係坐順風車, 你唔俾人告嘅機會就大 d.
如果你有正職, 無案底, 法官根據規例要對你嘅講法俾較大信任嘅. 所以就算要上庭, 你打甩機會會大 d. 而家你乜都唔使做住, 轉擔保時睇吓點情況. 但老實講, 就算唔告你, 都唔會係第一次轉擔保時發生.
一般嚟講, 要審 4 個被告, 係比審 1 個被告要花多好多倍時間金錢. 如果得果 1 包少量 k仔, 根本就唔化算. 而且話 4個人共同藏有 1 包 k仔, 法官都會覺得奇怪. 私人意見, 如果 d k 仔數量唔多, 差人有機會當 "發現毒品案" 處理而唔告. 但呢個情況唔係實會發生嘅. 你無講有幾多 k仔, 我講唔得多.
至於攞住張紙影相只係程序, 無特別意思.
如果有多 d 料可以俾我, 睇吓我重幫唔幫到你.

參考: Veni - Vidi - Vici

👍 0 👎 0