歐洲轉機去埃及

想問樓主，你係先於歐洲遊玩然後轉機去埃及，定係歐洲只係一個中途站，你係歐洲某一個機場根本唔駛入境，等幾個鐘就直接轉機去埃及﹖
如果係前者，由於小弟未試過係歐洲轉機去埃及，所以答你唔到。不過，如果樓主只係求其搵一個中轉站，咁多數人都會去中東卡塔爾既多哈或阿聯酋既杜拜轉機去開羅。小弟當年去埃及旅行都係由多哈轉機。小弟亦試過係杜拜機場轉機，兩個機場都非常現代化既先進國際機場。唯一既分別係杜拜機場人實在太多，多到連企都就黎無位，反而多哈就少人好多，樓主可以好悠閒咁搵個位坐等轉機。
3-4月係去埃及其中一段最好既時間，因為既唔太熱又唔會太凍。小弟當年聖誕節去，出奇地發現埃及當地竟然非常凍，早晨氣溫好少超20度，去到中午先至好啲，所以唔好冬天去。埃及夏天會熱到四十幾度，所以同樣唔可以去。
香港人去埃及通常都係跟本地旅行團去，小弟唔建議join local tour，因為據聞當地旅遊業良莠不齊，好難講你遇到奸商既機會有幾大。而且據聞埃及既local tour指剩係於某個旅遊城市內既本地遊，好似無埃及既本地旅行社會帶你全個埃及週圍去，全埃及遊係外國旅行團既專利。即係話樓主一係就參加香港旅行團，一係就去到埃及當地唔同既旅遊城市，逐個城市咁參加嗰個城市既local tour，當然以前者最方便。事實上，香港旅行社搞既埃及團已經好好，一般都會去晒埃及最熱門既景點，唔去既景點通常都係太冷僻或太無參觀價值。例如帝后谷、階梯金字塔、紅金字塔、彎曲金字塔、烏納斯王金字塔、費麗神廟、太陽船博物館等都係好少人到既景點，除非樓主好似小弟咁想去多次埃及做深度遊，去晒上述既景點，否則樓主係香港跟團就夠。