✔ 最佳答案
樓上Foxy兄提議左幾處熱門既好去處,問題係兩星期可以去邊玩。小弟提議以下幾條路線供樓主參考﹕
巴黎 > 意大利(羅馬、佛羅倫斯及比薩、威尼斯/米蘭) > 瑞士。呢條路線最典型,睇晒歐洲最靚既野。
南法(馬賽、尼斯、摩納哥) > 意大利(同上) > 瑞士。同上面唔同既係去法國南部,嗰度主要係陽光與海灘,不過坦白講南法無咩玩。
意大利(同上) > 瑞士 > 德國。德國玩法有好多,小弟未去過所以比唔到意見,不過我推介你去南部既新天鵝堡。
東歐遊﹕即係波蘭(克拉科夫、華沙,有時間去埋格但斯克) > 捷克布拉格 > 匈牙利布達佩斯/奧地利維也納。好多人去波蘭會去埋奧茲威辛集中營,我唔知有咩好去,因為去嗰度要特登搭火車,睇埋啲野又唔開心,都唔知為乜。
東南歐遊﹕即係希臘(雅典、聖托里尼島、米可洛斯島,可以既話可以去埋羅德島) > 土耳其(伊斯坦堡、棉花堡、特洛伊城)。坦白講除非樓主真係好鐘意希臘文化、愛琴海及希臘白屋仔,如果唔係你去到嗰度日日剩係睇廢墟都幾悶。