有關利澳酒店問題？？

搭金光飛航喺氹仔碼頭上落船係唔會有利澳酒店專車接送的，只有威尼斯、星際、金莎、永利、新濠天地才有此服務。

你可以搭以上任何一間酒店專車去到他的酒店，落車再搭他的酒店專車出番港澳碼頭，去到港澳碼頭先搭番利澳酒店專車便可，車程約1小時，車費全免。(有些酒店專車是在港澳碼頭對面上落的，你需要利用行人隧道過番去。)

如果唔想轉嚟轉去，可以直接搭的士去利澳酒店！車費$60內，車程約20分鐘。

回程如果又係搭金光飛航的話，建議可以搭利澳酒店專車去港澳碼頭，落咗車再行過對面搭威尼斯酒店專車去威尼斯酒店行吓街，最後先搭番威尼斯酒店專車去氹仔碼頭上船返香港。

氹仔碼頭唔似港澳碼頭，係絕對無任何商店，如果要買手信，一定要預先買埋先！

^^

其實您可以望吓出碼頭後見唔見利澳發財車...

唔見先搭威尼斯果啲發財車...

去到再轉返舊碼頭發財車...

去舊碼頭應該就搵得到架啦...

金光飛航係去澳門氹仔臨時客運碼頭的, 唔會有利澳酒店的專車家~~
最快你可以選擇坐的士, 如果想平的就坐威尼斯人的shuttle再轉金沙的shuttle去返澳門島, 再坐taxi去利澳啦
p.s. 因為氹仔臨時客運碼頭的公共巴士都係去唔到利澳附近, 而且會坐好耐, 唔太建議你搭了~~