強姦既法律問題

根據香港法例第200章<刑事罪行條例>第118條:
任何男子 -
(a) 與一名女子非法性交, 而性交時該女子對此並不同意; 及
(b) 當時他知道該女子並不同意性交, 或罔顧該女子是否對此同意, 即屬強姦. 一經循公訴程序定罪, 可處終身監禁.

以前法例係訂明只有丈夫同老婆性交先係 "合法", 而男子與任何非佢妻子嘅女人性交, 就係非法. 所以呢條例係用 "非法性交" 字眼. 此字眼已過時, 所以近日律政處亦開始研究剔除 "非法" 兩字.

講完題外話. 以前法例老婆要有責任俾老公搞, 並無老公強姦老婆嘅. 個後來修訂咗法例, 當今老婆再無責任俾老公搞. 所以老婆唔肯, 老公霸王硬上弓, 都係強姦.

再講多少少. 就算老婆 (或任何女人) 初初肯進行性交, 但做到中途突然話唔想再做, 而老公 (或男人) 唔理佢繼續做, 就算係 "罔顧", 都係強姦.

英國上議院於案例 R v R [1991] 1 AC 599 一案首次確立老公霸王硬上弓都係強姦。Lord Keith 判詞值得一讀

根據香港法例第200章<刑事罪行條例>第118條<強姦>
(1) 任何男子強姦一名女子，即屬犯罪，一經循公訴程序定罪，可處終身監禁。
(2) 任何男子冒充一名已婚女子的丈夫，誘使該女子與他性交，即屬強姦。
(3) 任何男子─
(a) 與一名女子非法性交，而性交時該女子對此並不同意；及
(b) 當時他知道該女子並不同意性交，或罔顧該女子是否對此同意，即屬強姦。