50mm f1.4 vs 85mm f1.8

兩支鏡除咗規格可以睇到焦距同最大光圈唔同之外.其實用起來分別最大係工作距離.
在菲林時代,50mm焦距由於較貼近人眼的視角,所以50mm一般被稱為標準鏡.我覺得佢用來影全身人像工作距離都可以,唔會離模特兒太遠,又唔會太近,但係半身或者大頭的話就會要哄到好埋,有時會引起模特兒不安而有機會影響佢表現.而85mm就可以離遠小小影,所以一般人叫85mm做人像镜.
由菲林過度到數碼,多咗一個焦距增長既問題,除非係貴價全片幅機,一般數碼單鏡機焦距都要乘1.5或者1.6.於是原本50mm的標準焦距就變咗接近85mm的人像焦距.於是又有人認為50mm先係人像鏡.
不過攝影既嘢冇話一定定律,合自己風格便可以,我覺得影人像除咗工作距離外,散景都好重要的.計散景的模糊程度,50mm f1.4光圈大啲, 85mm f1.8焦距長啲,其實兩支背景都可以好散下.不過我覺得長焦距視角細啲,背景冇影到咁多嘢,會乾淨啲.我比較傾向用85mm影人,儘管影全身帶景時工作距離會比較長,事實上甚至有人喜歡用135mm f2等更長焦距鏡頭影人的.


以下網頁有兩支鏡頭既測試
http://www.photozone.de/Reviews/overview