剛剛領養一隻新貓bb, 想請問點樣照顧佢????

恭喜你加入貓奴行列，希望你同貓貓永遠都開心健康！
以下全部都係我個人養貓貓啲方法，你睇下啱唔啱用喇！
咁應該每天比幾多份量佢食??
而家你貓貓先一個月大，佢食量都唔會太多，你可以每次俾一啲糧佢食，至於多少﹖就留意下佢一次可以食到幾多，咁下次你就『就』番佢上次啲食量而加多減少就可以，盡量唔好剩太多糧，幾粒就緊係無所謂啦！
．每天食幾多餐~~??
我自己一屋5貓，我習慣每日大概三餐度，我要佢地糧碗無哂先再加，同樣，剩番幾粒就由佢囉，咁又唔使話掉左嗰幾粒ge！
．係咪要有比埋飲水器佢?
我用petmate水兜，經常有流動ge水，佢地會飲得多啲，咁身體都好啲嘛，你得一隻，可以用普通『啞』碗裝水俾佢都可以，但如果你發覺佢飲水唔多，可以轉用petmate俾佢，始終貓係鐘情啲流動水嫁！但佢比較貴，太耐我都唔太記得價錢，應該要400咁上下，你睇自己經濟喇，唔可以啲話，都無辦法囉，我都唔係一開始養佢地就買嫁！總之係保持啲水乾淨最重要。
．幾大度先至可以食乾糧??
其實佢而家都可以食，我有兩對貓兄妹，佢地初初嚟嗰陣，兩對嗰妹都要飲奶『用奶樽喂』，而兩對ge哥哥，就分別食加左水ge乾糧『要每次食完洗番嗰碗』，同埋就咁食BB糧，Royal Canin有BB專食ge糧。而兩對ge妹，都係食左一個禮拜奶度，先肯食唔加水ge乾糧，你可以留意下佢對啲加水乾糧，食幾多就唔想食，咁就可以唔使再加水嫁，加水啲目的係我自己驚佢地啲牙仔唔夠力啫。
．點樣教佢大小便去沙盆?
嗰兩對兄妹，初初嚟我屋企都係得三個禮拜同一個月大，我都無教，佢地有砂就識搵砂盆，去個盆度解決，如果你貓貓真係唔識，咁你可以係佢有動作嗰陣，抱佢去砂盆度，試一次就得嫁喇，呢啲係佢地啲天性，所以就算無媽媽係身邊，都真係唔使教囉，而且貓貓有百分之九十幾都係有潔癖ge，真係好易照顧嫁。
．咁現在係飲BB奶, 定係沉濕D幼貓糧比佢食?
兩樣都可以，主要係睇佢肯唔肯飲奶，肯的話咪繼續飲囉，如果你發現佢擰歪個頭，即係佢唔想再飲，到時你可以加啲食水係啲糧度，同樣，你發覺佢係啲糧未濕哂就衝去食，咁即係佢想食全乾ge糧，到時你就唔使再加水嫁喇，呢個過程其實都好耐，我嗰兩對兄妹，食浸水ge糧都係一個禮拜度，就唔太肯食，要食無加水ge糧囉！

咁初時回到家, 係咪要困著佢住在寵入面??

呢個問題問得相當好，我有一個好慘痛ge經驗，我係幫啲貓會暫託ge，試過湊過一對連臍帶都未甩ge貓貓，佢地個半月大度就俾人領養左，係一對夫婦加一個讀幼稚園ge小朋友，一路都平安無事，但某日，嗰小朋友好意外咁踏『爆』左其中一隻嗰頭！！！雖然知道係意外，但嗰心真係好痛！！！所以，係貓貓仲係咁細ge時候，起碼係你夜晚瞓覺嗰陣放佢入籠，對佢生命係一個保障嚟嫁，因為係熄哂燈ge情況，你半夜起身去廁所嗰陣，真係好有可能踏到佢，就算無嗰隻貓貓咁慘，你踏到佢手手腳腳咁都好大件事，所以呢樣真係要硬起心腸吖！
．不要讓佢周圍走, 認定佢既地方是這處?
哈！哈！哈！我成間屋都係佢5個ge天地，我只係夜晚瞓覺嗰陣，關哂廚房、廁所門咋。困籠ge目啲唔係呢樣囉，到佢大啲，身手靈活嗰陣，就係收埋嗰籠ge時候喇！
．咁沙盆應否放埋入去寵度?

夜晚困籠嗰陣就係，到日頭你係度咪放出嚟囉。
．同埋是否經常給水佢飲?

我長期都有水俾佢地飲，水好緊要嫁！所以你都要長期有水俾佢隨時飲，糧就唔係囉。
．幾耐要同佢放"尿尿", "屎屎"又係點放???
一個月大唔使放尿、屎嫁喇，你有砂盆係度，佢自己會攪掂嫁！

好開心你咁關心貓貓，希望你貓貓健健康康，快高長大！
記得呢幾日可以同佢打針嫁喇，佢咁細要打三針嫁，假設你今日帶佢打第一針的話，咁下個月6號就打第二針，再下個月6號就打第三針，同埋，唔好諗住得一隻就唔同佢絶育喎，絶育除左唔想佢有BB之外，係因為唔想佢第時年紀大，會有啲生殖器毛病，你都唔想對左佢一段長時間之後，見住佢俾呢啲病折磨嫁！同埋到佢6個月起『最快』，無做手術的話，啲貓女係會開始『叫春』嫁，你見到佢典嚟典去，你嗰心都唔會好受囉！

希望可以俾到你參考喇！

養貓新手須知 http://www.hkcats.org/phpBB2/viewtopic.php?t=12951
http://www.discuss.com.hk/viewthread.php?tid=1590652&extra=page%3D1&page=1 http://www.cat-house.com.tw/hotnews3.htm
http://www.macaubbs.com/forum/viewthread.php?tid=111412 http://cmb.hk/archiver/?tid-6211.html
幼貓離乳的餵食 :
約一月齡時可以開始配合用水泡軟的幼貓乾糧來訓練斷奶,用相等於乾糧體積的一半的水量浸軟然後用匙搞混 . 或是以幼貓罐頭來餵食也是不錯的選擇 . 貓若嘴挑 ,有種奶粉(在Q-Pet買 http://www.q-pets.com/ )專給戒奶的貓食,奶粉依照說明量加水,再加一半幼貓罐頭搞混 , 貓b會比較鍾意食.
斷奶: 約四星期小貓便可進行斷奶，每次將 幼貓糧用1倍水浸軟、搞爛成糊 , 加入小許貓奶粉混和，很快小貓便能在匙羹或碟子上自行進食。小貓自行進食會有“狼吞虎嚥”之情況，所以放在匙羹或碟子上的食物份量，不宜一次過給太多，該續少潻食。以免小貓吸入鼻孔內,若見小貓鼻孔內有氣泡/糧水出現, 要立即停止餵食,用紙巾印乾貓鼻孔水,再等5分鐘之後看情況再餵 .
貓睡醒後先餵小貓喝少許暖水，待5-10分鐘後才可餵食貓奶粉或糧糊。
貓是不須吃零食的.零食無益 , 太咸 , 太乾 , 太多防腐劑 .
乾糧倒出來盆後每12個鐘頭,就要全丟棄,把盆洗乾淨後再倒新糧入.
罐頭可以先用匙羹取出今餐所需分量,剩下留在罐內用保鮮紙封罐口然後放入雪櫃保鮮格(最多可置24小時),下餐從雪櫃取出罐糧倒在碟放微波爐用最細火加溫10分鐘待暖就可給貓吃.
濕糧倒出來盆後,每4個鐘頭(夏季室溫)/每6個鐘頭(冬季室溫) , 就要全丟棄,把盆洗乾淨...
貓狗不應吃五穀 http://tw.myblog.yahoo.com/baby-cat/article?mid=10757&prev=10784&next=10665&l=f&fid=36
無穀物貓糧 http://www.grainfree.com.hk/index.htm http://www.hkcats.org/phpBB2/viewtopic.php?t=68246 http://www.hkcats.org/phpBB2/viewtopic.php?t=68654
貓每日所需水量(內有寵物飲水機資訊) http://www.hkcats.org/phpBB2/viewtopic.php?t=25251
排便訓練 :
約在3~4週齡時可以開始進行排便訓練 . 準備好貓沙與貓沙盆 , 當小貓似有準備排便的動作出現(挖地), 就把牠捉到貓沙盆裡面 , 幾次之後他就知道要到貓沙盆中大小便 . 其實最好的方法是有大貓可以教小貓 ,小貓的模仿能力很強 , 如果有一隻已經有好習慣的大貓可以教小貓 , 小貓很快的就可以建立良好的生活習慣 .
若貓疴了在地上, 主人可把地上貓屎拾起/貓尿用紙巾吸 , 把屎/尿紙放在沙盆的沙上,
主人捉貓 , 把貓放入沙盆 . 主人用手捉著貓前掌去抓沙埋了屎/尿紙 .
貓做對了以後 , 主人柔聲讚佢乖及按摩貓背。貓走開後,主人才清潔沙盆。
若貓在你面前,係不該位置好似想大小便, 你要立即 兇吼[胡~吖~胡~] 及 惡樣裝作撲向牠,舉起雙手作勢追捉樣.
洗澡---初生六星期內的小貓盡可能之下切勿洗澡...

>>>咁應該每天比幾多份量佢食??
>>>每天食幾多餐~~??
>>>幾大度先至可以食乾糧??
>>>咁現在係飲BB奶, 定係沉濕D幼貓糧比佢食?


貓糧袋通常都有建議份量, 可以作為參考.
我自己就喜歡早晚用bb糧放入奶, 好似大米粥咁俾bb食, bb貓通常一日最少食6餐, 貓貓剛戒奶, 我會建議放"長乾糧", 早晚各1/4杯, 等貓b肚餓時就會自己食. 等貓b 六星期大左右, 就可以減少奶份量, 兩月大就可以戒奶. 不過, 因為貓b需要營養生長, 只要貓貓仲肯飲, 貓奶係營養最好o既補充濟, 可考慮keep住俾貓貓飲.

>>>係咪要有比埋飲水器佢?
貓貓同人一樣, 每日都要飲水去維持生命. 廿四小時, 一碗清水不能缺少.夏天貓貓會需要飲更多水, 可以用水機造成流動水, 引貓貓飲. 如果貓貓飲唔夠水, 便便會變成粒狀, 而唔係健康時的乾身條狀. 要留意, 一般貓貓都唔喜歡飲有毛髮或污物的水. 如果唔用水機, 掛樽形飲水器是另一選擇.

>>>點樣教佢大小便去沙盆?

貓貓如果有貓媽照顧過, 一般都會值著身教學會用砂盆. 但如果貓貓係人手湊大, 可以將bb尿液放入砂盆同貓砂混合, 等貓b食飽就放貓b入去, 通常一, 兩次貓貓就會自己學識去砂盆.
要留意, 貓貓都愛清潔, 如果砂盆有異味或太污糟, 貓貓可能會選擇做忍者貓或干脆選令一地方作大小.

祝你貓貓健康成長!!!

2009-07-06 03:30:37 補充：
放籠可以令貓有安全感, 不過, 如果貓無四處亂閃,唔用籠都可以. 一個月貓b, 唔用籠你要確定家中沒有危險地方, 如冰箱底可以俾貓b進入. 門窗亦應有窗網以防貓跳樓. 新貓第一晚, 你最好坐定睇住佢自己巡視環境, 唔好打擾或跟住佢, 最重要唔好令佢覺得你想捉佢. 唔俾佢入的地方可關門或大聲對貓貓講NO. 貓大多願意止步. 困籠, 當然要放砂盆入去, 仲有食物同水 我貓B3星期大巳經自己去砂盆. 一般情況, 貓B食飽就可放便. 方法係用暖水弄濕綿花, 在貓PAT上輕印尿尿同屎屎位置, 直到貓尿尿或屎屎, 方法正確只需數秒鐘, 你會越做越覺容易