熊仔鼠 患左 子宮瘤 有幾耐命?

實在無從估計你既鼠鼠仲有幾耐命,明白鼠鼠生病,要花更多心機同時間去照顧有時會好累,但都冇辦法,可以幫到鼠鼠既只有你


A.紙砂係貓砂,唔好用貓砂之類既粒狀墊材,因為咁係有危險既
以倉鼠既體型去睇,貓砂太大粒,又硬,好易整傷鼠鼠隻腳仔,試想下日日夜夜行既路就係咁凹凸不平,就可以知道唔會舒服呢,而且貓砂唔可以俾鼠鼠去做窩
貓砂係為貓而設計,睇返貓同鼠,體型相差咁大,居住環境又唔同,點可以用貓砂作為鼠既墊材?
多數推銷貓砂就係話冇咁大塵,又平,但其實買d貴d既木糠一樣可以冇咁大塵,平既話雖然做唔到,但好過用貓砂之後整到鼠鼠腳,鼠鼠受傷辛苦之外,要帶鼠鼠睇醫生都唔止呢d錢啦
有d鼠仲會因為行得唔舒服而盡量少出唻活動呢

鼠鼠既習慣係鍾意自己整一個窩,好多唔同既墊材我都試過,貴既平既試過晒,最後都係用返木糠.因為鼠鼠唔多慣用第d咁
用木糠既話都要留意,買d貴d既木糠,冇咁碎又冇咁多雜質,對鼠鼠好d,咁就少左好多唔好既影響,仲要唔好買有色有味既木糠,一來加埋鼠鼠既味會好臭,二來好易令鼠鼠敏感,敏感係可以致命既,揀木糠要留意既事可參考:
http://hk.knowledge.yahoo.com/question?qid=7007100103916

B.鼠鼠唔舒服,排出唻既野係會好臭,你可以試下以下既方法去改善:
1)每日都同鼠鼠打掃一下佢訓同埋排泄及有血既地方
2)洗多d籠,可用牙膏or小動物專用消毒劑去清理,當然係一定要清得好好,唔會留返d在籠
3)用沖涼粉定期同鼠鼠沖涼
4)唔好用有味既木糠or沖涼粉,因為加埋d排泄物味會仲臭,又易令鼠鼠敏感
5)放d抽濕用品在籠外
6)放D人用唻除味既野在籠邊,要距離鼠鼠一段位置,令鼠鼠唔會掂到
同時咁放既話,必須確保個籠係唔會俾鼠鼠有走到既機會,鼠鼠係逃走專家,走佬好叻,俾鼠鼠走到出唻,食左就大件事了