講廣東話果時口齒不清,有咩方法解決?

英文S係啞音, 發音應該係口唇微微張開, 然後經由口吹氣就會有"嘶....."漏氣咁聲就啱嘞, 但記得咀唇不可"嘟"起, 否則變咗"殊..."咁就唔啱喇!
如果你祗係口齒不清而唔係懶音(即係"恆生銀行"講成"痕身UN寒"嗰隻), 可能你講嘢時個口嘅動作(包括唇同牙較)太minimal, 又由喉嚨"ding"發音, 咁發音自然就自然冇咁清晰, 可以由多D讀書或讀報去改善, 即係睇書同睇報紙時不妨讀出聲, 不過除咗要強調番口部動作之外, 重要注意由"丹田"出氣, 發音係要用氣嘅, 想像由肚臍下將D氣提上去經喉嚨/聲帶發聲. 冇人喺旁邊幫你可能會事倍功半, 但你可以買支錄音筆, 練習時錄起比自己聽番, 又可以睇電視新聞時(而家電台同電視台節目上出現的人有不少都有懶音, 新聞主播比較上是發音較準的一羣)留意吓人哋嘅口形同自己有乜分別.
如果有懶音嘅話, 本來應該可以喺學校由老師糾正, 可惜大部份學校嘅老師都唔會做呢D"額外工作", 有部份老師自己都一口懶音, 你話香港教育幾咁失敗! Sorry, 離咗題, anyway, 香港好似冇乜教人廣東話發音嘅地方, 不過我發覺學普通話後某程度上對改善廣東話發音有D幫助, 因為學普通話必先由學聲母韻母發音拼音等開始. 總之多聽多讀多練習, 就算冇人幫你, 自己錄自己聽番都一定有幫助, 加油!
P.S. 如果口齒不清嘅問題好嚴重, 有可能係"咽肌"(唔肯定名稱是否正確)有問題而影響發音, 講嘢會"嘰喱咕嚕", 咁就要揾專業人仕(言語治療師等)幫手, 政府醫院好似也有呢D服務的, 可以請教吓你的醫生, 睇吓有冇需要轉介.

發音唔清楚,口音唔準,主要係最初學講話時無人紏正,或者教你講說話的長輩都口齒不清,就學壞口音了!
尤其有些大人感覺小孩不純正的口音有趣,不特不給小孩紏正,反而學小孩的口音,因此很多人長大了仍然口音不正確或者滿口懶音了!
改正的方法只有用正確的口音朗誦和唱歌,因為用正確的口音字眼多講多讀多唱歌,慢慢就知道如何發出純正的字音了!
通常朗誦詩詞一定要流利正確,亦可以跟懷舊流行金學唱,唱得多語音都會正確一些聲音好一些的!
知唔知點解要跟懷舊金曲而唔跟最新的流行曲呢?
如果你留心比較就知道舊歌通常都字正音清,有些新的流行曲詞不但詞不達意甚至於口音不清的,所以就不要用來訓練!

你要用心去唱,自己把聲就會好好聽la