((急))關於定額罰款既問題

如果過期唔交罰款, 就會有張催交罰款通知書再寄去果個假地址. 再過期唔交, 就會告上法庭.
法庭會有傳票寄去果個假地址, 傳召你受審. 傳票係法庭命令, 任何人都要遵守. 如果你唔出庭, 就係蔑視法庭. 法官會出手令通輯你.
你有通輯令在身, 一出境入境處就會拘留你及通知警方. 而你喺街上 / 遊戲機鋪等地方俾差人查身份証, 差人亦會拘捕你帶你上庭.
但因你係學生, 差人拘捕你之後會通知你父母嚟接你, 咁你食煙呢件事就穿煲. 如果到時父母話你屋企地址唔係你果個假地址, 咁重大鑊! 你提供假資料呢件事就穿埋.
而家你唯一可做, 係想辦法籌夠錢交罰款. 你可到任何裁判法院繳費處, 俾個身分證佢, 話你唔見咗張垃圾蟲牛肉乾, 而家想交罰款. 咁佢會查番紀錄, 你交錢就可以.
但記住要快, 再遲就會交去法庭, 到時神仙都救唔到你.

2009-07-04 07:40:29 補充：
"罪犯自身條例" 係你犯咗事, 被判有罪, 留咗案底. 咁在某d情况 / 合乎某 d 條件下, 可以合法地唔對外披露你有案底.
(1) 你都未被判有罪, 即係未留案底, 呢條例唔啱用.
(2) 通輯令係無時限嘅, 唔會話 3 年後就唔啦你. 你上警方網頁, 可見到有 d 通輯犯係198幾年被通輯至今.