我想問粉底液同濕粉底有咩分別???

而家市面上粉底大致上分為以下幾種：
1. 水狀
可以輕易上妝，但就要再上多層碎粉定妝，遮瑕度都尚算可以，通常晚妝會常用

2. 膏狀
　要有一定嘅技巧，一樣要上一層碎粉定妝，遮瑕度一流，不過會有好厚妝嘅感覺，過常用喺舞台.....

3. 乾濕粉兩用
　就係市面上一般嘅粉餅，可以就咁用，亦可以整濕個粉卜再加粉底用。前者會比較乾啲，皮膚乾好易有披口嘅情況，後者會比較貼啲，因為佢加埋水用，當水份被蒸發之後粉底就都會較為貼面同較自然。無乜遮瑕可言，最好之前做好遮瑕功夫，適合平時出街同返工

4. BB Cream
　最新興嘅粉底，因為集多功能於一身，有防曬、遮瑕、補濕.....，佢質地同水狀一樣，不過就唔需要加碎粉定妝，非常方便。啱啱上完妝咁有少少濕濕哋，之後乾咗都爽嘅。同埋都好貼面，又係一個好選擇。

如果係油性皮膚，我見意你用啲比較薄身嘅粉底，寧願做控油都唔好太厚粉，因為咁樣只會令到毛孔透唔到氣，皮膚亦都會越嚟越差，到時只會得不贘失。

可以用乾濕粉餅或間唔中用濕粉，至於BB Cream你就諗諗，可以問吓啲化妝部小姐專業意見。