耳洞好難帶耳環，而且整日發炎同埋出血，點算？

我都有戴耳環,開頭都有發炎... ...
1.其實你可以照住鏡黎穿耳環,你會睇到耳仔有個洞,同埋你用手摸一摸耳洞,你會感覺到有耳洞,咁你就穿,唔好太大力,你摸到耳洞係邊先,然後細細力,慢慢咁篤,跟住篤到個洞,就好容易穿到過去,一次過咁大力穿緊係痛啦... ...
2.有時我都有流血,其實主要你耳洞好骯髒,太耐冇洗會咁樣嫁!如果發炎的話,就要除左耳環,跟住用藥水徹底去洗一洗耳仔,耳洞,同埋一定要洗埋耳環,乾淨哂就唔會發炎,應該要隔幾個禮拜洗一次,除左耳環黎洗耳洞同埋耳環,要洗得好乾淨,否則下次又發炎流血,我就每隔一個月洗一次
3.帶白金、銀同埋防過敏個d當然係最好,最好唔好買街上,店舖果d 10蚊廿蚊耳環,帶果d仲易發炎呀!建議去L.LURE買,果間專賣防過敏耳環,我都係係果度穿同買,隻隻都起碼超過100蚊,買藥水都係果間買,我係美孚西鐵站度買(得4間分店),或者isabella啦!我未試過,但係聽人講唔錯,什至比L.LURE好,不過耳環,藥水超貴,耳環最平都要200蚊,不過我個人推薦去L.LURE
4.洗頭同游水時最好除耳環,洗頭時帶,d洗頭水"薜"哂耳洞度,耳洞耐左就會好骯髒,游水更加要除,d水好多細菌,同埋被無數人用過,唔知佢地會唔會傳染細菌嘛!咁樣做保險d,沖完涼同游完水,就要洗耳洞,同第2題一樣,洗耳時間最好就係沖完涼同游完水後做
L.LURE分店地址同電話:
銅鑼灣廣場一期地下 G07 號鋪 (TEL: 2890 8617)
沙田中心3樓 23D1 號鋪 (TEL: 2603 0902)
東鐵尖沙咀站 17 號鋪近K出口 (TEL: 2349 4328)
西鐵美孚站 9 號鋪近A出口 (TEL: 2307 6092)
希望可以幫到你啦=]"個人意見*

2009-07-03 21:12:10 補充：
同埋你唔係帶純金耳環(好似係周生生,六福珠寶店果d金耳環),耳洞係冇咁快埋,起碼幾個月後先會埋,六福果d唔夠一個月就埋左(我試過)