我同老母關係破裂

係咁既
大約2年前,我仲係小六果陣
我老母次次上到黎屋企(我同呀婆呀公住)就唔知點解狂罵我
罵到我喊到收唔到聲,佢係搵d好小既原因黎罵我
印象最深刻既一次係咁既
咁我就黎考試 我咪番房溫書 因為呀婆呀公係出面睇電視 所以我番入去溫
之前我老母佢上黎唔知拎d咩
佢見到我係入面溫唔出黎溫就叫我出黎 之後係到罵我
罵我點解要係入面溫唔出黎溫
我果陣對房門 冇全完山哂 姐係係出面都仲可以睇到我
佢就係到罵罵罵 唔知罵咩 罵到我喊哂 收唔到聲
呢件事唔係佢第一次啵
佢係咁樣罵左我好多次
溫書果件事係已經唔知罵左幾多次之後發生嫁啦
好啦 2年後 姐係而家
佢就對我好好 冇咩點罵我
但係唔知係咪佢之前傷得我太深 而家我見到佢都有股無名火升起黎
好似之前我地一家人去日本 正常人應該好開心 但係我就一d都唔開心 笑唔出 影相果陣都要夾硬笑出黎
我覺得佢而家想修補番條裂痕已經太遲
我而家見到佢都好似變左第2個人咁 好cool咁
佢個禮拜日都要黎食晚飯
我就次次都係佢就黎黎之前都要帶起個面具咁 好假......
我亦都好想放低個面具 同佢真誠 開心咁相處
奈何我次次見到佢都會自動帶起個面具咁同佢相處
我諗應該係我慣左 因為大大話話都成2年
我成日比佢話我黑口黑面 我都唔想但係就唔知點解次次見到佢我就會自然地咁樣..我都唔想..
之後次次見親佢都要做到好虛偽咁笑笑口
我覺得好辛苦 想真誠同佢開心相處又做唔到
因為我覺得佢以前傷得我太深 真係成世都記得...
真係好辛苦..想放開個心同佢傾又做唔到
到底我可以點做....