股票新手有問

沽空指投資人在手中不持有證券的情況下，向券商借入證券以賣出。放空的部位需於一定時間內回補或事先向第三方借入股票。沽空通常是在預測市場行情將下跌時的操作。若行情如預期下滑，低價回補時，即可賺取差價。但若行情不跌反昇，價格上漲理論上沒有極限，回補時將損失慘重，因此風險很大，投機性高。因其投機性高，不是每個證券交易所都允許沽空買賣；即使允許，往往也有較多限制。
解釋：所謂沽空，即係你本身冇揸住隻股票，但你向證券行或第三者借入股票然後沽出，然後係幾個交易天後係市場買番較便宜的貨還股，賺取差價既行為。例如依家匯豐１００蚊，你估佢短期內會跌到９０蚊，你想係佢下跌時賺錢，就可以借入股票然後係市場以１００蚊沽出，幾日後如果真係跌到９０蚊，就可以用９０蚊買番還番俾人，果１０蚊就係你賺到的了～但當然，如果後市事與願違地狂升，由於上升亦係無限空間，所以亦可以輸得好甘，所以風險極高！另外，沽空入場門檻高，唔係一般散戶做得到，但沽空數字就日日都公佈，所以以全日大市沽空情況去判斷大市亦有一定作用。
＿＿＿＿＿＿＿＿＿＿＿＿＿＿＿＿＿＿＿
點解有ｄ股票買賣差價相差咁遠？
答：買盤同賣盤都係由股票持有者（股東）掛出來的，而買賣價點解有ｄ股票差好遠？主要係睇股票流通量的問題。
所謂股票流通量，即係股票係市場自由流通的數量，可以話由小投資者持有的數量，其餘則由大股東或大型基構投資者持有，一般都唔會係普通交易時段參與買賣。如果在市面的股票本身流通量少，即係好少人揸貨，當個個都覺得公司個價比現價折讓好多時，掛個賣盤自然好高，但想買的人就當然覺得個價愈低愈好，但又唔急住要買，所以就掛低ｄ個買盤，中間空晒冇人掛係因為已經冇股東再願意用呢個價格範圍買賣形成的真空。
又或者你睇下ｄ大藍籌如１３９８工商銀行，佢每一個價位都最少有幾十人排隊買賣，係因為佢股票流通量高，即係市面好多貨俾好多人揸住，同時又好多人想買，形成買盤同賣盤都密集。因為投資者買賣股票都有好多原因，而唔吊人亦對間公司的價值有唔同定義，一般認為貴的價，都有唔少人認為便宜而買入，所以你想５蚊入而排５蚊，但買盤５．２都有人排黎買，每個價位都總會有人排，就係因為人太多，咩諗法都有而形成的。假設工行市面流通股票有１０萬人持有，每個價位都有人鍾情而排隊的機率自然高，幾乎冇可能見到有價位冇人排的情況；相反，幻想一隻股票得２個人持有，２個都唔等錢洗，一於掛到好高搏出貨，想入貨的人唔想一買就買咁高，於是又排隊買，就形成你所講的情況，買賣盤差成幾十格。
所以說，一般投資股票流通量低的公司的風險就係低流動性，即係難以套現，若你等錢洗想放的時候，往往就要ｓｅｔ好低價先有人幫你接。