請問股票收息問題

香港規定上市公司每半年宣佈營業狀況-(業績), 一年之中, 上半年稱為中期業績, 年尾是全年業績.
中期業績派中期息, 全年業績派末期息.
大陸係一年分四次宣佈營利嘅
人民幣10仙是派給一股的股票持有人,到時計番港幣比你!
在中國內地股票, 派息收 10% 股息稅
即係, 若你收 ￥ 100 股息, 就有一項扣減 ￥ 10股息稅
而同一樣, 同一間香港上市 H 股, 也扣減 10 % 股息稅,
除非由銀行攞出嚟, 去過戶處轉名, 則不收任何稅 o

買匯豐收息,

當佢宣佈派息時, 會講明幾時係除淨日,
你係果日前一日買, 到除淨日果日或之後賣咗, 都有息收嘅;

當你擁有股票, 你就係果間公司嘅「小老板」
公司做生意賺錢, 就派錢 ( 紅利 - 俗稱 股息 ) 俾你, 大部份是每年分兩次派, 有些一年派四次; 一般都將D 盈利嘅20 %至50%左右攞嚟派息, 有剩就擺係公司再想法子揾錢嘅, 所謂「股息的息率數字」, 只係參考上一年的派息嚟計o如果環境好, 公司好揾, 敢樣, 就年年派錢, 而且越派越多, 敢嘅股票就係人都搶住買, 自然炒高; 相反, 若然市況唔就, 公司難揾食嘅話, 就梗冇禁疏爽, 咪減少派息囉, 甚至索性唔派, 萬一公司執埋, 敢樣, 身為老板嘅你, 就梗倒楣啦, 到時, 張股票就一仙都唔值啦 !所以, 睇股票, 唔係睇舊時嘅表現, 而係估吓佢嘅將來o家陣買股票係抵買, 不過擔心遲吓仲抵, 即係仲有得跌喎 !

家陣股市係禁跌, 好多朋友都問買匯豐制得過喎, 買嚟收息都冇壞, 但係, 你要知佢有7成幾嘅生意都係歐洲同美國, 果度D 大銀行嘅股票跌到得番2成零咋,
依家全世界都睇好中國, 唸吓「六行三保」啦, 肯定有數維嫁 !

我以前都愛上匯豐嫁, 次次大跌市之後, 都升番突, 佢果陣係香港揾食, 果時香港D錢好執, 佢又識做生意, 咪食正條水, 家陣風水輪流轉, D 風吹咗去神州啦, 所以我就飛咗隻舊愛 ( 都兩年啦 ) , 我溝梗匯豐嘅契女, 就係平安保险 & 交通銀行啦, 匯豐食咗佢地2成股權, 係第二大股東, 大老板係祖國政府嗎 !

2009-07-04 13:33:38 補充：
以 2008年度, 共派四次息 ,合共每股派 0.64美元
即 $ 4.99港元
5 手 = 20000股
全年共收 $ 99800 息

如計 %
即 $ 4.99港元 / $ 64 X 100% = 7.796 % ( 7.79厘息, 息率因股票價變而變 )