[愛情]怎麼辦? 我不想再這樣下去了.

和他一起快半年了,

這半年他對我也很好,

拍左拖一星期已經跟我見佢既屋企人,

同埋好想我見佢朋友,

他會把自己大部份既錢俾晒我管,

我地打算儲錢買樓結婚,

佢會SET個自動轉賬每個月出糧入錢入我Ａ／Ｃ

佢剩番既小小錢都會用來買野俾我,

自己都冇咩點買野俾自己.

未識我既時候佢都幾大洗.

不過而家我幫佢儲起d 錢, 好左好多.

其實我知道佢好錫我, 而且會同我一起計劃將來.

但係唔知點解，　我都仲係對佢好冇安全感，　

可能一開始既時候，　我地係好朋友，　咩野都講，　

我知佢太多野了，　我成日都會記得佢以前同佢EX 發生既事，

我成日都覺得佢最愛唔係我,

因為係佢個EX 飛佢先,

未識我既時候, 佢ex成日搵我bf 做水泡.

但佢話識左我已經唔愛佢個EX.

剛拍拖既時候, 個ex 都仲有搵佢,

個ex 同佢自己bf 分手, 都要同佢講,

我bf 都知佢個ex 既用意, 但佢話只會當佢係好朋友,

佢個ex 真係好衰. 好衰r!!!

不過我bf 知我唔鐘意, 而且都冇再同佢chat.

同埋我bf 未同我拍拖既時候, 佢都有講過佢唔會食散餐,

因為佢對愛情都係好認真既人.

佢好怕hurt 多一次.

點解我會對佢冇安全感呢?

係唔係因為佢對愛情認真. 所以我覺得佢仲鐘意佢個ex呢?

我同佢一起既時候, 佢話佢之前已經好鐘意我, 但係怕我唔接受

佢. 但我o個時唔係好信.


我知佢比錢我管, 佢都係想我對佢有番安全感,

佢都唔明點解我唔信佢. 我自己都唔明點解.

而且我覺得我自己都好愛佢，　

只要佢有小小唔理我，　我都會好唔開心，　

佢做錯小小野, 又或者有小小唔順眼既地方,

我都會發脾氣, 打佢同鬧佢..

佢都會忍我同埋TUM 番我,

我成日小小事都會講分手, 佢都好憎我咁做,

佢好怕我唔開心,

我真係好憎我自己,

我知我再在咁, 我會趕走佢.

我唔係第一次拍拖,

但係以前既我唔係咁小氣,

佢話佢同我一起就已經想同我一生一世.

同埋好想同我結婚,

其實我同佢一起既時候, 都覺得自己好似搵番自己既令一半,

同埋好想同佢結婚.

但我都知道男仔同女仔既心態唔同,

佢講既野可能都係想TUM 下我,

我唔知我應該講咩好,

我真係好愛佢, 唔想冇左佢 ,

我有想過係唔係因為我太愛一個人呢?

我從未試過咁愛一個人.

我真係一個大煩人!

同埋有咩方法唔好咁掛住佢,

我地已經日日見, 但唔知點解, 我地唔見一陣, 佢打小陣來

我就會唔開心, 就會覺得佢唔掛住我.

我朋友都覺得我chi sin,

同埋覺得我因為我愛佢多過佢愛我.

所以搞到我變成咁.


有咩方法可以好好維持一段關係.

同埋佢係唔係真心愛我呢?

係唔係每個男仔都係咁對佢女朋友?

我唔係第一次拍拖, 都拍過好幾次.

以前我會覺得男人係犯賤既,

唔可以對佢地咁好...

但係今次...

我好似要好好學習咩叫做去愛一個人.

同埋真正犯賤既係我自己.

我好似變番個細路女咁. 對愛情變番個白痴.


p.s 佢平時份人都好細路仔.
同一般既男仔冇咩分別,
都係鐘意睇波打機睇女仔=.=
可唔可以用一般既男仔心態幫我分析下佢呢?