✔ 最佳答案
你好 :
1.如果買一萬樓下既車，其實都冇得太多要求，而且呢D價錢既車都好小大撞車，最緊要係唔好太多野整就OK，所以係私人放車定係車行賣車都冇乜分別，反而車行都仲可能執乾淨D比你。
2.如果1500CC以下，而且又係四門車，應該可以 $7000出到燕疏。不如睇下有冇屋企人可以幫到你出燕疏啦。如果有兩三年牌，超過25歲，就算冇NCB都應該只要$4000樓下。你得18歲，有D燕疏公司可能會唔受保，不過多數都受既，但係你預左箭底費一定好高，大約兩至三萬左右啦 (箭底費係如果你撞車後，保險公司只賠償超過左箭底費後的價錢)。
3.買車步驟方面 : 第一樣就係你睇岩車之後,就要去車房上架,等師傅幫你升起架車睇下架車有乜大小問題(有大問題或太多小問題當然唔好要啦),車房收費大約$500~
第二樣係政府驗車費,係六年車齡以上既先要的,車房會幫你搞埋,大約$1200~
第三樣係ok左之後,就係去幫你架車買燕疏,即係第三者保險~
第四樣係車輛轉名費,$1000~
第五樣係車輛牌照費,1500cc以下一年$3929,1500-2500cc$5794,如果你覺得一次過買一年好貴,你可以買一季,但係唔係好抵~
第六樣就係架車既價錢, 如果你買我建議你買果類車大約都係$9000-20000
第七樣係停車場費,幾錢就睇你擺係邊
第八樣係基本維修費,架架車買番來都或多或小有d野要整,你大約預$500-2000左右啦~除左整車之外~所有野其實可以係一日裏面搞惦曬~
4.買車要留意既地方好多，唔係一下子可以講得曬，所以自己睇過大置上OK就攞去車房比錢比師父睇吧。
5.一個月要用幾多錢真係好難講，要睇你個停車場幾錢、睇你渣得多唔多、又要睇架車會唔會好多野要整、多唔多唔知頂比人抄牌、你渣得快唔快，油錢都差好遠啦。安全起見，一個月預$6000就穩陣D，不過一架10年以上1500CC車，唔駛好鍚車，三千零蚊乜都夠。
6.意見就係最好預$15000-20000買車，因為多好多選擇，可以慢慢搵架好D既，整多兩次車，都隨時整左你成萬蚊去啦。你可以買"本田"1500cc既civic VTI 的eg或ek,或"豐田"既ae100或ae110，呢幾架車都岩新牌同埋抵渣，而且又係大路車,維修方面會容易d同平d,更唔會有零件冇貨既問題。同埋岩岩開始渣架掍波車可以令你既技術和對車既認識會多D。
