大家是否頭幾年出尼做野成日比人鬧..?

有呀。我中學後做第一份工時 (旅遊巴英文導遊) 日日俾三個人鬧，鬧足六個月。
我首先去了解情況。三個人嘅地位，鬧我嘅原因，心態，同方式都唔同。第一個鬧我嘅係响個旅遊社好受人尊重嘅資深司機。佢唔鐘意我新手，攞得少打賞同回佣 (司機同導遊平分)，但又擺成唔在乎錢，所以不停响同事前 (後) 批評同鬧我。第二個鬧我嘅係兼公司英文秘書嘅資深導遊。佢聽聞我英文寫得好，怕搶咗佢嘅地位，所以日日鬧我英文衰，想全公司認同。第三個鬧我嘅係我上司 (導遊經理)，因為佢唔鐘意我嗰種唔係大聲大氣，眉精眼企，飲酒賭錢嘅人。但我係老板仔嘅同學，所以佢唔炒得我，但可以每事當眾大聲鬧。
跟住我又去了解自己情況。我當時要賺錢出國讀書，而一個經過大約六個月訓練嘅旅遊巴英文導遊可以賺初級文員嘅四至五倍。所以我決定一定要做落去，要死忍，任人鬧，因為重學緊師，冇討價還價嘅本錢。但同時亦要着手改變形勢。第一個目標係個經理。當時 d 導遊興返來講點樣點樣串番 d 串客，又話唔駛理平洒店嘅客 (少俾 tips)。我就對所有客人都盡力提供最好服務，佢地去完 tour 會對酒店嘅 tour counter 作回應，而佢地又同我地經理講。六個月後，大凡有難服侍嘅遊客，經理都派我去，逐漸就讚多鬧少，對我個種對人斯文有禮同耐心嘅態度亦都認同。第二個目標係個司機，當我提供最好服務，去爭取遊客嘅信任同滿意，打賞同回佣自然提高，個司機就鬧少 d。六個月後，我證明到俾同事知道呢個司機賺錢少嗰日就鬧我，賺多就唔鬧，佢唔想俾人話佢緊張錢，另方面亦滿意同我合作嘅收入，以後就極少鬧我。第三個目標係嗰個英文唔多寫得嘅資深導遊。六個月後，當我响經理同同事中建立咗地位，同埋有機會俾佢地比較，個資深導遊知道鬧都冇人信，就冇再鬧。
两年後，我出國讀書，班同事送禮贈錢，好唔捨得我。呢個就係我第一份工俾人鬧半年嘅經歷。同你經歷嘅情況當然會唔同，但我只係想話："响未有機會建立表現嘅時侯俾人鬧係好正常嘅。當人地無需要，或者冇人信，或者唔想鬧你嘅時侯，自然就唔會鬧"。"不過，如果你唔知道點解人地鬧你，或者你覺得多數人都無嗱嗱鬧你，敢你就一定要小心去了解。"

咪由佢鬧 !
如果佢想為我好, 我會聽我會改 !
如果佢惡意, 我系吾會理佢 ! ( 佢吾系一定岩 )
其實出黎做野一定會比人鬧 !
有邊份工吾駛受氣, 只系分別多與少 !
就算人鬧你都好, 你亦吾需要鬧反其他人 !
就算人講是非, 你都吾需要理佢 .
毎個人性格都吾同, 吾好比其他人影響到你 !
做同事系應該互相學習 / 欣賞 / 教導新人 !
做野先會開心 !

一個叻既老闆係吾會鬧人既，那些大公司的老闆係吾會亂鬧人的。
一個吾叻既老細就係會成日鬧人，因為佢吾叻又要充大頭的，人緣差就無朋友傾訴，咁吾鬧下屬就好難捱日子的。
至於成日被人鬧的人就真係有兩類，一類係好有潛質，一類就真係蠢過乜咁。叻人都係要被人磨一磨，正所謂玉不磨不成器。
我做既工作好少比人鬧的，係我鬧人多，咁做教人的，吾多吾少都係要鬧吓學生啦，否則就控制吾到秩序的。
不過鬧人有時都要講情況，就算係學生，我都吾會當眾鬧佢既，我較相信讚賞比懲罰更有用。但對學生做錯野都係要講一講啦。對成人學生就更要柔聲的去講錯處，否則令人失信心就更麻煩

鍾意鬧人一定有原因,我ge原因咪就係我公司因為擴充左之後,老細就變得挑剔,雞毛蒜皮都話你一餐,點解會變,之唔係無咁大個頭戴咁大頂帽囉~~~~開支大左,成日驚生意額唔夠,呢樣唔準買,個樣唔準 side,以前公司細邊有咁衰格,下下話你地 side野,有同事驚老細鬧,於是出埋 d 拿渣招,擦老細鞋不特止,仲督我背瘠,等我個八婆老細用e-mail尼鬧我,個死卜街心涼啦老細鬧我,睇下個天幾時收佢,我以前都話得下事,依家~~~個卜街尼左之後,再加埋公司擴充,壓力大到想辭職,但係依家出面環境咁惡劣,唯有死忍,我表弟仲on居,人地話想佢過檔,於是就諗都唔諗辭左份萬幾蚊ge工走去做4仟蚊ge,佢話想襯後生做 d 自己有興趣ge工喎,唔想第日後悔,點知做左2日就被人炒尤,間公司話佢做唔到喎,就係咁被人sin左一獲,依家加入失業大軍,想搵番份萬幾蚊工~~~,睇怕都好難!!!!!!最慘佢仲要供樓,今次仲害埋佢老豆要幫佢供樓,天呀!!!我好辛苦呀!!!為左錢我唯有~~忍~~~忍~~~忍,睇下邊個長命
圖片參考：http://l.yimg.com/f/i/tw/ugc/rte/smiley_33.gif


2009-07-04 00:02:41 補充：
點解話叻ge老板唔會鬧人,就係佢認為佢自己叻,你地蠢,如果唔鬧下人人地點知佢叻,當然,有 d人 叻得尼係好低調,你咪覺得佢唔會鬧人囉,但係有 d人 鬧人好叻架,點叻????之唔係鬧左你都唔知,你仲以為人地贊緊你個隻囉~~~~~~依家唔理你岩岩出黎做又或者你做左好耐,老細唔鍾意佢一樣照鬧,吹咩,心情唔好,要搵人出下氣個心先至會舒服!!哎!!