打麻雀(牌)點打?

香港麻雀番數：

十三番 :

大四喜 :由四副風刻(槓)組成的糊牌。

十八羅漢 :四個槓。

十三么 :由三種序數牌的一、九牌、七種字牌及其中一對作將組成的糊牌。

么九 :由序數牌一、九刻子組合成的糊牌。

小四喜 :糊牌有風牌的三副刻子及將牌。

八番

大三元 :糊牌中，有中發白三副刻子。

七番

清一色 :由一種花色的序數牌組成的糊牌。不計無字。

五番

小三元 :糊牌有箭牌的兩副刻子和將牌。

三番

對對糊 :由四副刻子(或槓)、將牌組成的糊牌。

混一色 :由一種花色序數牌和字牌組成的糊牌。

一番

花么 :由字牌和序數牌一、九的刻子、將牌組成的糊牌。

搶槓和 :和別人開明槓的牌。不計和絕張。

門前清 :沒有吃、碰、明槓，和別人打出的牌。

平糊 :由四副順子和序數牌作將組成的糊牌。

自摸 :自己抓進牌成糊牌。

風牌 :拿到自己所屬風牌的刻子。

三元牌 :拿到任何一副中、發、白的刻子。

海底撈月 :和打出的最後一張牌。

其他

十二章包自摸 :出牌的一家包

搶槓當自摸 :開槓的一家包

2009-07-02 06:17:25 補充：
香港麻雀係打14隻

(十三么,么九...另計)即係3+3+3+3+2

2即係一對眼

上牌
(只限上家打的牌)即係3隻同花既牌順序連住,
e.g. 一萬二萬三萬 / 二筒三筒四筒...
e.g.當你有二萬同三萬,咁你上家打隻一萬/四萬你就可以上牌,但如果係你下家同對家打出一萬/四萬,咁你就冇得上啦...

2009-07-02 06:17:43 補充：
碰牌
(上家.對家.下家打的牌都可)即係3隻一樣既牌
e.g.九萬九萬九萬 / 一索一索一索...
e.g.當你有八筒同八筒,咁任何一家打八筒,你就可以碰啦.

槓牌
即係4隻一樣既牌
e.g.五索五索五索五索 / 七萬七萬七萬七萬...
e.g.當你有3隻牌一樣既時候,咁人地打多一隻比你,你就可以槓,如果你人地打出既,就叫明槓.
e.g.當你有3隻牌一樣既時候,咁你自己摸多一隻,你都可以槓,呢個就叫暗槓.
無論上牌.碰牌.暗槓同明槓,之後都要將個d牌顯示出黎,擺係自己既左手邊/右手邊(當然係就自己啦)

2009-07-02 06:26:44 補充：
槓牌之後就一定要摸番一隻,如果唔摸就會小相公架啦...

其實當你有4隻一樣既時候,
e.g.四萬四萬四萬四萬,咁岩你又有二萬同三萬 / 三萬同五萬 / 五萬同六萬,你就可以選擇唔槓牌,可以變成四萬四萬四萬 + 二萬三萬四萬 / 四萬四萬四萬 + 三萬四萬五萬 / 四萬四萬四萬 + 四萬五萬六萬...
槓唔槓你睇你個人既需要.

唔記得講:
槓上自摸有多一番架.

2009-07-02 06:34:08 補充：
E.g. 你有.......123筒 + 123索 + 3隻伍萬 + 2隻八索
如果同你玩個d人可以容許食雞糊既話(呢個係雞糊),咁你就可以食,
但係如果d人玩一番起糊,你就唔可以食啦,因為雞糊係冇番的,
如果你係.......123筒 + 123索 + 3隻紅中 + 2隻八索,佢地玩一番起糊,你就可以食啦,因為紅中有一番,但兩番起糊就唔食得啦.

2009-07-02 06:47:45 補充：
其實打牌都冇咩規矩,只要大家順住跟次序就ok架啦.
如果你唔跟,一來會比人話,二來會好亂,萬一大相公/小相公就冇得食糊啦.
香港麻雀係一人有十三隻,之後順次序摸一隻.打一隻...
當你有3 + 3 + 3 + 3 + 1,之後你就可以加多1隻(自己摸埋個隻,就係自摸啦),組成14隻牌食糊啦
(食糊當然唔可以亂黎,要跟番起牌數.)