同男朋友相處唔黎 ?

我同我男朋友就黎半年喇，頭幾個月好開心無乜點嘈過交架，到左呢排真係隔幾日嘈一次，我自己都覺得好煩，但其實好多時問題都係在於我，可能我配合上巨蟹座既特質，妒忌心強，情緒化，易喊易笑，每次我唔開心／喊既時候，我男朋友都會好用心咁ｔｕｍ我，例如買我鍾意食既野，唱歌俾我聽等．．其實我覺得佢對我算係幾好咁，但多時我都唔滿意佢，例如佢鍾意踢波，踢完波先叫我出黎行街，我會覺得佢唔重視我，無放我係第一位，佢一星期要返６日工，唯一一日假先可以做下運動，我同佢講過我唔鍾意佢成日掛住踢波，想佢成日陪我，佢話佢需要運動下．．．同埋．．因為佢要返工，我地見面既時間得好少，有時我得閒我會去接佢放工，之後去行下街食下飯咁，有時我都會買佢鍾意食既野俾佢食，因為我知佢放工一定肚餓，我同佢一星期只係見兩三次，我覺得唔夠，因為時間唔係多，仲有呀，我鍾意男朋友俾驚喜我，好多時我見佢鍾意既野我都會送俾佢，但佢只係係情人節同生日既時候先有送禮物俾我，平日都有既，不過係我開到口先係咁二送下囉＝＝我ｄ朋友同我講愛唔應該計較．．．
其實我睇得出佢好投入同我拍拖，唔知點解我會咁諗呢？好煩惱．．但我好怕失去佢．．．因為我ｅｘ傷得我好深！