急..!!關於藏毒幫幫手唔該...thx

1. 首先要知道係乜嘢毒品. 唔同毒品有唔同輕重. "唔係好多" 又係幾多呢? 如果係 k仔, 1克以上已經當係販毒, 要坐監. 如果係可卡因 / 海洛英 / 冰, 就少少都當販毒, 要坐監.
我假切係 k仔 (青少年至愛). 如果佢身上有1克以下, 可以當自用, 告藏毒. 通常罰錢兼守行為 / 感化令. 如果係1克以上就會坐監. 但佢得16歲, 會判入更生 / 勞教中心.
2. 警方嘅意思係佢可以搵當值律師. 法援係唔做裁判法院 case 嘅. 佢可在上庭當日早 d 到法庭搵當值律師.
3. 佢俾CID捉到正, 又認咗話用黎自用, 咁根本唔使打, 亦無得打. 請私家律師大約 $8000 - $10000一堂, 大律師就 $20000一堂. 如果佢認罪, 又係初犯, 好大機會判罰錢兼守行為 / 感化令. 揾當值律師幫佢求情就夠. 慳番 d 錢好過.
4. 佢有可能留有案底. 如果係上兒童法庭, 有機會求法官不留案底 (兒童法庭法官有權不留案底). 如果係上普通法庭, 就一定留案底.

我來估一估的 不要給我最佳答案

你應該同你細路傾 自己傾計果陣問佢係唔係真係自己食,定怕出賣朋友唔想講 如果係賣ga話 一定要早d認 早d認永遠係最好 聽你咁講 應該請律師打已經無用 認罪聽話就最好 如果唔係 係自己食 都認左罪 就知錯能改好了 希望你細路可以快d懂事喇 呵