想請問工程中公制與英制如何分辨?

咁要睇你指邊方面.
如果你係指圖紙上的呎吋,咁其實一般來講圖紙都有一個位會講佢標既呎吋是甚麼單位,例如dimension in mm就係公制,dimension in inch就係英制.亦可以從簡寫中看到一些資料,例如24mm咁當然就係公制.英制的寫法會多一點,例如2'4"就代表二呎四吋.有時又會用份數代表.例如1/8"就即係1/8吋.
如果你要分辨手上的零件是公制定英制咁就只可以靠經驗或者量度.例如公制螺絲啲牙係密啲,英制係疏啲.再唔係可以用卡呎量度,用公制卡呎量出來直徑是整數的就係公制,例如12mm,6mm等,不是整數的就係英制,例如12.7mm就係1/2",6.35mm就係1/4".不過螺絲工差比較大,有啲呎吋啱啱公制同英制又好相似,例如5/16"就等於7.94mm.跟8mm只差好小,此時唯有用專係度牙既牙冚,即係一塊有牙形的鐡片放埋去對先可以確定喇.
其他零件都係用類似方法.