以下係1年半既簡單節錄:
最初2/12/2007時佢做part time識佢,識佢時其實係佢鐘意我先,佢做左無無數數咁多野想吸引我既注視,放電,突然化濃妝,特登接近我凝視我.雖然慢慢覺得愛上左對方,但我一直都覺得大家冇可能所以一直冇理佢,見過佢好多次見到我既冷淡而好唔開心既眼神,但佢都係冇放棄仲係不斷想令我留意佢.最後我上機前一刻趕去佢度俾左封信同禮物表示佢唔會再見到我,但我已經愛上佢,叫佢睇到後俾返聯絡我.
後來我等左好耐,又2次用好貴既速遞寄去佢公司,最後等左108日最後先得到佢回應.ADD佢MSN時覺得佢MSN既情話係同緊我講.我一直希望大家可以慢慢發展.一方面覺得佢好似唔想咁蜜切,經常一兩句就唔應我,但另一方面又做到要同我好好咁.覺得佢好似一時唔理我一時對我好好咁,我好辛苦,佢問我係咪唔開心我都否認.我見過佢BLOCK住我再系MSN度講鐘意一個男仔(我覺得係指我).我特登唔彩佢(因為佢成日都唔理我),遲D先打俾佢會聽到佢唔開心.試過我打俾佢佢朋友聽問我係邊個(唔知係咪佢既主意),我唔識答就話係『朋友』,佢跟住好嬲咁.
佢生日時我同佢講我既心意,話想大家可以共渡終生,佢話唔知點答我,我唔出聲時佢又話要多D時間,又話未相處過,又話如果佢咁快就應承都唔會係好女仔.當時我FEEL到佢知道我唔開心,但又唔想我覺得佢想距絕我.
2008年12月我終於可以返黎香港,一心以為會好開心好幸福.我得10個禮拜但最初既2個禮拜佢都只係不停咁避開我.雖然佢一見我唔開心就安慰我,經常同我出街,我懷疑佢任何事佢都會續一解答,甚至叫我問佢,如果見到我唔開心佢都會好唔開心咁樣.不過有樣野令我好難受既事就係凡係同佢講親大家感情/關係既問題佢都會想避開,想我唔好講,又話其實我『已經好好』,又話未係timing,又話想自然D.我有次話如果原來只係我單方面鐘意佢,我就一定會即刻離開,佢話佢覺得好驚.有次我話我再忍受唔到佢既冷淡,佢話佢又未試過拍拖,又問我想佢點,我問想佢認真D,佢又不了了之咁.
我為佢既付出,無論感情/時間/心血/金錢....簡直多到冇得再多.每刻既思念,每次出街既所有支出都係我出哂,佢話要乜就俾乜佢,用左幾萬蚊(多過我part time成年死慳死抵既總儲蓄),又相機又電話又衫又食又化妝品香水....其實都覺得佢唔係想呃我,因為佢叫我控制住佢(買野),我問佢鐘意咩名牌去睇下佢又話唔鐘意名牌,又話唔想我用哂D錢,又話唔想我自己慳到野都唔食. 但係我最在意既係佢從來都唔知當我係乜人咁.佢有時特登親近我,佢俾我捉住佢條腰,整衫整裙,摸佢面/頭髮等等.但佢總會避開我掂到佢雙手,更加唔俾我KISS佢.
佢用好多借口避開聖誕/新年/情人節唔同我過,我真係好傷心....又唔會送機/接機....見到都唔會介紹佢家人/朋友....從來冇俾過佢日記/相薄我....要我買何包俾佢但相只係佢同佢D姊妹影....可以講話冇送過有紀念價值既野俾我.所以我地成日都嘈,因為我真係成日都俾佢令我好唔開心,亦都越黎越唔信佢懷疑佢.但係佢除左咁佢其他都對我好似戀人一樣,連我送既33支玫瑰同鑽戎佢都笑得好甜話好鐘意. 我2月走左之後越黎越多唔開心.佢攪到我個包裹彈返轉頭,又連我生日都話唔知.佢好多時都話SORRY,但我只係覺得佢跟本冇心,但係又想氹返我轉頭.佢除左最基本既野可以講話係咩都冇付出過.
我俾左好多好多次機會佢講佢冇愛過我,甚至叫佢講,但佢從來都唔肯,或者唔出聲或CUT我線....但我真係一日比一日唔開心,後來我已經唔再主動搵佢,而佢亦好耐先一次主動搵我.有次我話我部LG壞左,佢就好緊張咁問我係咪同佢張合照都冇左(我話我返黎前都會留張相做電話wallpaper). 到左最後我真係好嬲咁同佢講話佢已經呃左我咁多野走,我話如果佢唔係真心對我,就當我求佢做返次好心講出真相,等我可以得到解脫,我話我再忍受唔到落去.佢開住部電腦行開.後來佢見我唔ON就叫我加佢做朋友網絡,我再ON時我MSN話佢呃我感情呃得好犀利,亦唔理佢,我冇熄電腦行開.
第2日返黎竟然見到佢DEL左我.我打俾佢佢好快聽我電話,但知道佢好唔開心,我叫佢ADD返我先,佢唔肯認DEL左我,又叫我佢考完試再打俾佢.之後再打俾佢佢話覺得唔想再成日要我為佢買咁多貴野同付出咁多,突然話覺得咁唔係咁好(以前唔會).問佢幾時開始咁諗佢又話0岩0岩諗到,話大個女(我分唔出邊D真邊D假).我系信度話想大家可以正常D發展,問返佢時佢話要我『又冇身份又冇地位都要付出咁多』.我之前好多好多次話為左佢而距絕大量追求女性(係真),好多次話想同佢結婚.佢話我地識左2年(1年半)又hold住我咁耐但都係咁,話覺得我係『好好好好朋友』,唔只朋友但又未到男朋友,我好難過.
佢話想『俾大家機會(識其他人)』.我話我靜係可以鐘意佢.佢話我又唔系香港,話都冇可能發展,我問佢如果我系香港佢會唔會咁,佢又唔出聲.我問左佢3次有冇系出面識其他男仔,佢又好堅決咁話冇.我好辛苦咁話我唔可以接受.佢話想我地『做返朋友關係先,然後再睇有冇機會發展,好唔好』.我覺得佢突然開郎左咁.我問佢我地差D咩,佢又話『呢D要靠feel』(傷感既係當初佢對我有FEEL我先開始鐘意佢).我問佢我做錯過D咩,佢又話『覺得問題係佢自己本身』.佢話我地以後都可以好似以前咁(出街/食飯/同其他D....). 其實我覺得極之傷心,初時晚晚都淚流滿面,覺得佢太過辜負我....時時刻刻個心都係刺痛難忍.
佢咁樣就好似話要出面D垃圾麻甩佬都唔要我最純對佢最忠心最好既好男仔....我覺得好傷心....覺得如果佢真係有心呃我佢唔會依家突然停止.我後來見佢冇BLOCK我叫佢ADD返我,佢又唔理,我好傷心.我近來2晚見佢開住個MSN轉AWAY,平時佢唔會咁既時間ON,所以唔知係咪見我唔再理佢,因為我直到依家都唔知以後應該點做....我好傷心好傷心有諗過去自殺,點解可以咁殘忍對一個對佢咁好咁好既男仔....
其實我係想女性既解答者俾下妳地既意見,咩意見都想聽下.其實我心入面真係好愛佢,咩都諗唔到做唔到,但亦都冇搵佢好耐.我想知個女仔點解會對我咁做,想知佢諗緊D咩,同埋如果妳係個女仔妳會點諗同想個男仔點?????
RE: 首先多謝2位既意見,無論係咩我都會聽: ellie_chan2001: 其實我都唔知佢有冇認真過,不過最初時當我唔理佢D小動作,真係見到佢好似失戀咁既樣.而亦都因為返左香港但佢都仲係唔珍惜發展機會,整係叫我搵佢,我先越黎越懷疑佢係咪真心.我同佢講過好多次,想佢講出心底話(係咪呃我),但係佢係都唔認.但係除左呢D同埋冇KISS冇拖手我地真係同拍拖冇分別,所有街度D人都以為我地係情侶.我的確係十分在意佢一句『我愛你』都冇,但係只係用未相處過做借口,佢好在意見到我難過個樣.其實都唔係未見過佢表示,不過就只係間接(MSN名),又或者我見唔到時,但咁令我好唔開心覺得佢唔認真.
講真我好多時都唔知佢點諗而且覺得佢冇俾我知佢內心真正既諗法,但佢DEL我之後打俾佢覺得佢真係唔開心,只係佢講完話咩『朋友關係』叫我諗下之後好似開朗左. 我完本想佢26號考完試就打俾佢,不過最後都冇咁做到,最過份係佢竟然DEL我MSN又唔ADD返我,我覺得好傷心….依家已經係12日冇打過俾佢,妳覺得我應該幾時再打俾佢好?? 我深感妳自己都好唔開心,可能因為咁先黎到知識+,不過希望妳可以冇事.
mantingsiu: 我都有認真諗過佢係咪一直只係呃我但覺得唔似.可能我之前成日都寄小禮物俾佢令佢覺得我好有錢,其實我上次返黎香港系機場打俾佢佢已經話唔想我用哂D錢,又叫我控制住佢買野,問佢去唔去睇明牌佢又拉住我走話唔實用,佢電腦舊我問佢洗唔洗我買返部俾佢佢又話唔好,佢話手提電腦好用問佢要唔要佢又話唔要,而且佢買親都甲過價先,叫我同佢一齊簡,咩都問過我先,而且從來買最抵最平.我話懷疑佢同我出街係為左我俾錢,佢又話我睇得佢好衰,話另願自己去買.
而且我唔係依家先話佢呃我,我話左佢好耐好多次想佢對我坦承D,我覺得係佢後來諗左D野令佢突然諗法唔同左.講真妳估得好0岩我的確有條件成日可以識到其他好女仔,而佢亦都係好有條件既女仔,深感佢如果想佢一早就可以有男朋友(佢何包張相同佢平時生活覺得佢冇,佢口講都堅持話冇). 不過真愛並唔係咁,我覺得佢係無可取替,唔係話可以隨便搵過第2個.我真係唔知佢有冇呃我玩我有冇真心過.不過原本真係想同佢開開心心一齊創造浪漫未來,但係佢成日攪到我咁唔開心,咁又點可能製造到浪漫…而且始終佢已經好大個,又可能佢未真正嘗試過失去摯愛既果種痛楚,世界上又有幾多個人會未失去過就識得珍惜…我唔想我只係做佢生命既實驗品…
RE: 多謝bobbiechan9401同埋maymayyan既意見 bobbiechan9401: 雖然你唔係女性,但都多謝你用心睇左我既情況同俾左意見.我諗你所講既應該好多人都會類似諗法,但係不竟愛係唔應該因為異地就要逃避,更加唔應該當玩,所以我俾左好多好多次機會佢講其實冇鐘意過我,不過佢又唔肯講.我都只係想佢對我好D....我唔知佢點解會咁,但係覺得佢唔係以往俾人傷害過,更加唔似唔正常.不過當佢DEL我MSN果晚,我係已經幾次系MSN話佢等於呃我感情,之後佢電話度都覺得佢好唔開心,雖然我更加唔開心.又或者未曾失去過就唔識珍惜,但我一直都冇咁睇佢法.
maymayyan: 雖然有唔小地方同妳既愛情觀有出入,不過都好多謝妳願意睇我既情況同埋提出妳既意見,但係妳好似未打哂妳既解答,實在可惜.其實我覺得妳自己都有好多唔開心,而且打左唔小錯字,但願妳唔會好似我咁. 我知道好多人都當愛情係投資咁,從來都只係計住自己既付出同得到多少回報,如果係咁就當然會分手/離婚收場,因為真正愛情唔係投資.但對於我黎講愛情係高高在上,所以我一向都唔會隨便接受,但一但選擇去愛就要豪無保留不求回報付出所有.你話覺得我同佢唔係真正開始,但我覺得愛與否唔係在於名義上,而係取決於大家既行為,所以我先會覺得咁難過,因為跟本唔知佢係咪認真.
RE: bobbiechan9401 唔好意思我唔知道妳原來係女仔,再一次多謝妳願意睇我既問題同埋俾左妳既意見.祝願妳永遠幸福.
