california做運動 失竊事件

你要追究是不可能的了，倒不如痛定思痛，加強安全措施，減少被爆竊的機會吧。

其實所有會所，包括了 california 或其他健身中心，響你入會時都必定有 d contract 或入會須知要你簽的，其中一定包括了 exemption clause，即係免責權，簡單來講，就係個會所並不負責你個人財物的安全，你要自己保護自己的財物。

而由於你肯定已經簽了有關的條款，所以法律上你無權向 california 追討賠償的。

講真個句，cali 的服務係唔好，但講到個人財物，你的確係應該自己小心保管，無得依賴他人的；而且其他的 gym 或會所都一樣行呢 d policy，你轉去其他 gym 都無用。

我響 california 玩了多年，好彩都暫時未出事，就係靠自己小心謹慎：

1。絕對不要用密碼鎖：好易比人開，我自己都識朋友能夠隨意開密碼鎖，如果你用的是密碼鎖，就幾乎等於邀請 d 竊匪來偷你 d 野。

2。買把靚鎖：唔好貪平用小型銅包鎖，我試過唔覺意開錯左人地把鎖都得，你話 d 銅包鎖幾豆泥？賊人都係捨難取易，見到你用靚鎖就唔會搞你 -- 唔係話 d 靚鎖就勞不可破，而且係靚鎖難爆得多，要花多好多時間至能夠開鎖，於是大大增加他們被當場捉到的機會。

去賣鎖的專門點 (旺角有條街專賣裝修野) 比幾十蚊買已經把到 OK 的綱鎖；我自己個把鎖就買了二百多元，有 d 錢係唔慳得的。

3。盡量用當眼 / 多人經過的 locker，避免用暗角位的locker。所謂作賊心虛，要爆都會向 d 暗位 locker 落手，唔會爆開陽的locker，事實上，california 被爆的 locker，幾乎都係清一色暗角位的地方，絕少會向多人行經 / 見到的 lock 落手。

世上無 100% 安全，但你做足上面措施的話，都能夠大大今減低風險了。