AL放榜後..很迷惘..

做人要知恥近乎勇先得架!
衰咗今次,下次夾疊...加倍踩行油佢咪得囉!
讀副學士,再RETAKE UE係不錯嘅見建議喔!

年年都有好多人放榜果一兩日好失落, agree !! 迷惘之餘, 都要衡量一下自己嘅能力同埋興趣......學校D老師個個要你去讀副學士....以你嘅成績黎睇, 亦不失為一個好提議 ! 雖然讀完副學士都未必一定有大學收, 但起碼係讀緊一 d 你認為有把握又或者有興趣的科目, 對將來搵工點都會有些少幫助, 至少比起那些只有中七程度嘅學生, 你又優先咗少少, 係咪 ? 而且, 兩年後, 個社會氣氛, 環境和要求可能又唔同咗, who knows ?? 因此, 學校D老師嘅提議 係可以諗諗嘅.........

其實年年都有好多人放榜果一兩日好失落，然後想走去retake + asso，但最後結果都唔好，有D就放棄是但一邊，有D就兩邊都顧唔到，所以要落呢個咁三心兩意既決定前請三思

自修讀多年唔係唔好，但係要睇人，因為自修係講緊無得返學校，全部時間都要自己好好去manage，所以自修要成功，恒心係最緊要，如果自問無咁既恒心，呢個選擇都未必適合你。

我都明白你而家應該係好亂，但你更應該去部署一下你要搵咩出路比自己。

又或者你會諗讀副學士，但係poly同cityu呢幾年分得越黎越多大學學位俾mainland，你想爆GPA上返degree係越黎越難，讀多兩年得個吉... 我唔係話叫你唔好讀asso，但係你一定要去衡量一下自己有無信心可以升得返degree

有D人可能好清楚自己咩機會上返degree，所以就讀IVE/space high diploma快D學識職業技能就算

又有D人可能好有信心上到大學，好有心去讀書，所以就揀repeat/asso

又有D人真係好清楚自己路向，去其他院校讀D同海外大學銜接既degree，用2年半時間一路完成degree一路裝備自己，比同年齡既人快兩年有degree之餘仲多兩年工作經驗。

記住你呢幾年點用你既時間係為自己出黎做野而舖路，而唔係話一定要行「大路」先叫「正路」，所以條條大路都可以通羅馬，大學畢業唔係一個終結，而係一個開始。你需要響「學歷」同「工作經驗」之間拎一個平衡點。

F.7放榜既經歷，我都感受過，幫到既我都可以幫你，始終聽多少少意見點都係好事既

如果你想知多D自己邊條路岩自己既msn add我啦 :)

[email protected]