Nissan Serena O/D 掣點用

以上兩個答案皆不盡不實.
波棍上嘅O/D掣係 Overdrive嘅簡稱, 中文叫"超比波", 即係波牙同波牙比例低於 1:1, 係用喺行車時慳油用. 通常四前速嘅波箱 (如 Serena) 就係四波係 Overdrive, 五前速波箱則係通常第五個波係 Overdrive. 新車有六前速波箱就會六波或五六波都係超比波, 達致慳油同行車寧靜 (因引擎轉數較低).
Overdrive嘅唔好處就係因為令到行車時引擎轉數降低, 並唔係喺最佳扭力輸出區域運行, 所以加速力會減弱. 駕駛者要加速時往往就要踩深油門, 行車電腦判斷要唔要自己拖低一個波加速, 反應就慢咗.
Overdrive嘅用法, 一般而言係喺上斜路同落斜時用. 上斜好簡單係要用多D力, 如果將 Overdrive 關掉 (O/D Off), 以Serena 四前速而言, 波箱就唔會上四波而頂多去到三波, 避免冇力同波箱不斷喺三同四波之間跳嚟跳去 (英文叫 Gear Hunting), 不斷喺要有力同慳油之間判斷.
落斜時, 唔踩油門, 電腦會根據最慳油嘅模式 -- 上最高一個波 -- 做取決. 如果唔 O/D Off, 車就會上到四波落斜, 越行越快, 對迫力嘅用量增多, 過熱會做成危險. 所以用三波 (O/D Off) 甚至拖落二波就較安全.
上面第一位講話一般唔會用 O/D, 我唔知你指嘅一般唔會用係唔用 O/D (浪費油) 或係 O/D Off (上落斜由得架車用高檔). 不過 O/D 並唔係為咗落雨而用. 如果你 O/D Off, 三波高速行車, 再大腳油門, 架車大力D一定會打滑, 仲危險.
要記得嘅係, 錶版顯示 "O/D Off" 代表關咗 Overdrive, 即係唔會上四波. 如果錶版冇著, 即係會用 Overdrive.

按下可作拖波的用途
按下後同時比油可作短途加速,用來超車

O/D Means over drive, 用作供給突然加速, 類似sport mode, 但off 後車会非常大食......正常並沒必要使用.

平時駕車係唔需要用 O/D 制的
我有時在雨中行車
就會將 O/D off 左
架車會拖低一個波
架車會較易控制