解除 - 住宅租約 (死約)

如果本人因私人理由而想收回該單位可用什麼合理的理由收回 ??
任何情況下, 業主可以以自住為理由, 向法庭(土地審裁署)申請收回物業的管有權(即收樓令)。
但收回的物業將會被限制於24個月內不能出租, 出售 及轉讓的。
詳情請參看《業主與租客(綜合)條例》
http://www.rvd.gov.hk/tc/doc/SummaryGuide-c.pdf
是否須要賠錢 ? 死約餘下的 七個月租金總和嗎 ?賠多少 ?
一份公平的合約是大家都有 對等 的責任, 住客要在死約期搬走要賠償餘下來死約期的租金, 所以, 業主要租客遷走, 也應該相對的賠償餘下月份的租金, 並且, 另外更需要向租客賠償合理的搬遷費用。
須要找地產經紀 or 律師做見證 嗎 ?通知期又多久 ??
是無需要找地產經紀, 先自己搵租客傾, 如果對方接受, 就根據大家的協議做就可以的,
但如果對方不同意的, 咁你就要向土地審裁署 以自住理由 申請收樓, 如果順利, 大約要2個月, 但如果租客向法庭申請遷走是有困難的, 法庭往往是不會發出收樓令的, 所以, 萬事以和為貴, 最好同租客私低下傾掂就最好。
是否有機會被租客告嗎 ?
如果大家傾得掂, 佢又同意收你的賠償, 咁仲邊有得告?
但如果傾唔掂, 由法庭發出收樓令, 佢只 有權 抗辯, 冇野可以告, 除非你在 2年 內再把單位 出租 或 出售, 否則, 有乜野可以告?
這個住宅我買的時候是 $ 1100000 , 厘印好像打了 $ 100 ~住宅買賣合約厘印是地產經紀幫手搞的 ~~那麼 住宅買賣合約 及 住宅租務合約 的 厘印 ,其實是要哪裡打的 ?
你是可以 進入電子印花服務 或 印花稅署的地址及收款時間
我間屋租左俾衣個租客 , 月租 $ 4000住宅租務合約 的 厘印 是 多少錢 ??
買樓的厘印費用是: 200萬或以下物業只需要100元
租約的厘印費用是: 年租 或 平均年租的 0.5%, 舉例說, 月租4000元, 亦即年租48000元,
以 48000元 X 0.5% 即印花稅是 240元

打厘印唔分幾多錢樓的. 費用應該係 $200 餘元. 通常由業主及租客一人比一半.
你之前比個 $100 / 應該係買入層樓比既厘印費. 買賣樓宇同出租樓宇既厘印費係唔同價錢的.
$200 萬以下既樓買賣.... 一律係 $100 厘印費的.
死約期內你想叫租客走. 冇錯....係要賠償佢頭一年未住夠既月份的. 佢住左 5個月. 如你想佢即走, 咁即係你要賠 7個月 lor. 7 x $4000 = $28000.
如你比一個月通知佢走.... 就賠 6個月. 如此類推.
又或有另一個方法. 就係連租約賣樓. 好多業主都咁做的. 即為之不交吉樓.
如你真係請個租客走. 又肯賠錢的. 最好叫番跟你地層樓個地產做個見證 lor. 點都好 D! 大家白紙黑字啦當然!! 另外最好開支票賠比佢. 有證有據嘛.

咦～我睇你個樣似係想賣樓吐現喎！
不如你問吓地產經紀喇～因為可以連租約一齊過比個新業主架！咁咪唔使賠錢比個租客囉！