✔ 最佳答案
希望發問者可以尊重一下,唔好將我既鼠相下載並放在閣下既blog作為檔案相片,煩請盡快移除並刪除照片,謝謝
A.相片既顏色唔係咁清晰,最初幾張似係白中帶灰,後幾張則似白中帶啡,其實佢係咩色唻既呢?
小紫王係灰中帶紫,如果係帶有淺啡色,就係小布丁,主要係白帶有部份灰就係小銀弧
B.聽唔到鼠鼠叫係正常既事,鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦
C.鼠鼠買左幾耐?點解對佢少咬籠覺得咁奇怪呢?
買左唔係好耐既話,未習慣環境所有行為都未係定落唻,會唔會咬籠亦未必睇得出,但咬籠並唔係好事,一來咬甩d油食落肚唔好,二來咬得多好易令鼠鼠鼻下同咀下甩毛甚至損,外傷再受細菌感染就會形成膿瘡,就一定要睇醫生先處理得到,而且都幾嘈下,可以換過個籠,亦可以教下鼠鼠
咬籠其實主要係因為鼠鼠牙痕,而緊張or感壓力都會,所以要留意鼠鼠牙齒既情況,同埋鼠鼠唔會受驚受壓,如果一籠多鼠,鼠鼠都會較易咬籠(鼠鼠本是獨居動物,有第隻就會感到壓力OR打交),有第籠放得太近都可能有影響
記得唔好在佢咬籠時放佢出唻or俾野佢食,避免鼠鼠以為咬籠就可以有野食同出唻
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野
你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬
鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既
可以試下買幾樣野間住俾鼠鼠,等鼠鼠常有新鮮感,咁都易d會咬,不過好多時有磨牙石都會有咬籠問題,但有野磨多個選擇都會好d,對鼠鼠都會好d呢
如果日後多左咬籠,又同鼠鼠熟左既話(未熟就千萬唔好試,會有反效果及嚇親鼠鼠),可以教鼠鼠唔好咬籠,方法可參考:
http://hk.knowledge.yahoo.com/question?qid=7009040100577
2009-06-30 00:55:38 補充:
其實只係BLOG既個人頭像,其他既我明白係你既鼠鼠,而家移走左就好了,謝謝,同時感謝網友ivy554認得我隻鼠鼠^^
白色加淺灰色就係小銀弧了