九龍城金滿堂甜品...太差!!!!!!!!!!

[匿名]

2009-06-29 3:47 am

本人於2009/5月曾在勞工處得知九龍城金滿堂甜品招聘"夜間甜品水吧學廚",故此本人去九龍城應徵,但個老闆李先生話要試工,但冇人工出,本人一心想學習做甜品,而且網上見好多人都好評金滿堂,故此本人一口答應,本人亦當了半日"免費工",但老闆李先生話之後再電話通知.

及後,本人收到該老闆李先生的電話,佢話我做甜品唔太得,建議我改做侍應,但佢話都係試工,要做半日,都冇錢收,我當時唔會答應la~好似搵人笨咁,
聽講,有人都好似有我咁既經歷,而且直到依家6月,佢都咁係到招聘甜品水吧學廚,同樓面,.....嘩,千萬唔好比人"困"到呀!!!!!!!!

真係估唔到堂堂一間金滿堂,竟然會咁樣都比佢諗到慳成本既方法,真係...太無良la~雖然話依家金融海嘯,但都唔可以咁冇品架ma!!!!!!!!

想問問:
唔知有冇人有類似經驗?
而且我又可唔可以去告佢ar??
有咩途徑可以去告佢?

回答 (1)

Yara

2009-06-29 6:43 am

✔ 最佳答案

我諗你應該去問問勞工處呢種情況(無薪試工半日)係唔係無理/唔合法。

我都試過試工(唔係喺香港), 事先講明試工無人工, 但若果試工後被employed, 會俾返試工嗰d人工, 但若果試咗工又無請的話, 咁就唔會俾哂試工d人工。事先講明, 夠均"爭"。

我個人覺得免費試工無問題, 但事前要講明/問清楚權益(eg.試工幾多小時/日? 試工成功的話會唔會出返人工? 等等)保障自己。當你搵緊適合o既工作時, 人哋亦都想搵一個適合o既員工, 對嗎? 若果金滿堂唔係有心騙人的話, 其實嗰個李先生都係俾咗個機會你去表現自己o既工作態度和熱誠, 佢無一口就拒絕你個application。

2009-06-29 22:49:31 補充：
個李生第一次安排你試工係喺整甜品水吧裏面, 但係第二次係叫你試做waiter喎, job duties會有分別, 而且可能佢真係覺得你唔適合做水吧, 就叫你試吓做半日waiter俾佢睇吓你o既能力。
你話佢post咗個post喺勞工處差唔多兩個月, 呢一點我都會覺得奇怪... 因為金滿堂都只係一間糖水店, 我相信唔會難請人, 所以我見議你向勞工處提出有關疑點, 好等佢哋可以留意吓或check check係咪有人有心騙人呀嘛~

參考: 個人意見和經驗

👍 0 👎 0