✔ 最佳答案
基本上你個方法冇錯, 只係你用黎打磨嘅物料的粗幼度 (e.g. 砂紙粗幼)差落太大, 又或者每個階段嘅打磨時間唔夠. 所以效果唔好. 照睇你所寫嘅打磨次序 係...
水口 > 1000號砂紙 > 拋光劑.
咁樣唔係唔可以將模型表面打磨到去返原模嘅光滑度, 只係你要打磨好耐好耐好耐先得.... 你試吓以吓哩個步驟, 你就可以打磨到件部件同原來一樣.... (甚至有過之而無不及. 所以唔係一經打磨, 所有件都一定要上色去遮. 如果係咁, 咁d 透明件米全部唔磨得? 而磨咗嘅檔風鏡不論係飛機定汔車, 咪全部都要油晒佢?)
水口 > 先用筆刀或銼; 平整去切水口 > 400 號水磨砂紙乾磨 > 800 號水磨砂紙乾磨 > 1000 或 1200 水磨砂紙 濕 磨, 記住係濕水磨, 如果要效果再幼滑d, 就直頭浸水磨 > 之後先用拋光劑捽, 哩個步驟要捽好耐.
只要記住每個步驟唔好跳幅太大.. 例如你水口一去就用1000 號黎磨就真係磨到天光都唔會平滑. 而用完1000 號砂紙就即刻用拋光劑黎捽就更加難拋到變返原模嘅表面. 事實上就算用1200 再加水磨之後, 原模件表面都重會係有一大片係淺咗色, 只係唔會再有明顯嘅花痕, 真真正正能夠回復原模表面係搞 拋光劑比耐性去捽到佢變返原來模樣. 哩個 step 相當花時間, 比d 耐性一定得.... 我哋都係用哩個方法去拋光模型車嘅檔風玻璃, 而要求嘅光滑度遠比原模表面高...