睇完獸醫 但係 ..(熊仔鼠) 杰哥入

如之前同你講既咁,鼠鼠有冇懷孕,就算俾醫生檢查都未必會肯定到,陰部出血除左可能係陰道發炎同流產過之外,體內腫瘤,太早交配,衛生唔好都有機會假設鼠鼠生左B而連屍體都冇其實都係正常既事,鼠媽or鼠爸會食b,而你又好難成日都望實佢有冇生過
鼠鼠好喜歡乾淨,所以會成日舔自己,眼or下體有細菌,d菌可能係鼠鼠舔唻舔去時傳左去身體第個部份

其實醫鼠係好難既事,希望你會明白醫生唔係萬能,雖然好多事都唔肯定咁,但鼠鼠有病好多時就係咁難去確診,都好難過俾左錢就一定醫得好,去睇個有口碑既鼠醫生其實已經幫到鼠鼠;聽過一D胡亂去睇醫生既例子,冇咩事既鼠睇完好快死左,有D醫生話冇得醫,轉頭去D有口碑既就好快醫返好,甚至我細個時試過有個睇鼠既醫生連拎住隻鼠都好吃力

除左之前答過你既野之外,而家可同時留意以下既事:
1)依照醫生講咁服用藥物,抗生素係必須食晒,如果食完藥or中途惡化,就要睇覆診,如果想轉醫生,就一定要帶齊藥同醫療記錄
2)多d仔細檢查鼠鼠身體既狀況
3)眼發炎都可能因為環境污糟or整傷左隻眼引致既.檢查下環境有冇d咩物品會整到佢,留意木糠會唔會太碎太尖呢?(較平既木糠一般都係會較碎)
4)如果鼠鼠眼有分秘物or開唔到眼,可用藥用棉花,加少少微暖既水,抹下鼠鼠隻眼,再用藥
5)如果有第隻鼠仲一齊住既話,就要分籠,因為好易係因為打傷而做成既,加上有多隻鼠既話會增加細菌感染or乘虛打傷既機會
6)仔細檢查第隻鼠身體及排泄物有冇異常,所有用品唔好混合使用,掂完鼠鼠一定要洗手
7)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜
8)保持個籠乾爽清潔,減少細菌感染既機會