我同佢拍左7個月，每日我地都會傾電話，但係來來去去既話題都係個d。唔知點解無咩話題，但係每日我都會忍唔住打去俾佢。
我唔係好了解佢，想幫佢分擔煩惱，但係佢都話唔想我同佢一齊擔憂，所以唔講我知。我自己係無咩煩惱同好快忘記唔開心既人，所以又唔會有咩煩惱同佢講。有時候，我覺得唔係好了解佢，佢又唔明白我。成日都會覺得會分手，但係見到佢、攬住佢，我又會唔捨得，唔想離開佢。
有時候我地一齊出街又會無咩做，我鍾意去書局，但係佢唔鍾意，不過佢會等我。佢鍾意打籃球，但係我唔鍾意，我會坐低望佢打。最多時候會響我同佢屋企，除左攬攬錫錫，又無咩野做。唔通我同佢就係得攬攬錫錫??我成日都好迷惘……
我地成日會為對方笑，為對方喊，為對方改變。咁係咪愛?
我見到佢唔會心跳加速，但係會開心。但係我見到另一個男仔我會心跳加速。咁我係咪鍾意另外個個男仔??
究竟愛係點呢?
如果我地都愛對方，點解好似無交心，無活動，無話題。點先可以多d話題同都有興趣既野做，唔再只係攬攬錫錫…？
我好想去了解佢，唔係表面…但係我可以點做呀??
我仲係咪愛佢?我可以點做??plz><”
2009-06-28 1:43 am
回答 (2)
2009-06-28 6:26 am
✔ 最佳答案
等本大爺答你啦你同你男朋友係習慣成自然 因為你呢段感情(搵到)左
你男朋友唔同你講 唔係唔想同你分憂 只係唔會你擔心
你想分手因為你唔知佢諗緊咩 對佢冇咩安全感
你地成日會為對方笑，為對方喊，為對方改變 正明你地重視對方
但係我見到另一個男仔我會心跳加速。咁我係咪鍾意另外個個男仔?? 我覺得唔係 因為唔只鐘意先會心跳加速 你諗下你有冇成日諗起佢 掛住呢個男仔 如果有 你就可能鐘意左呢個男仔
如果我地都愛對方，點解好似無交心，無活動，無話題。點先可以多d話題同都有興趣既野做，唔再只係攬攬錫錫…？
愛對方 就算坐係到到會開心 唔一定要有話題啊MA
唔再只係攬攬錫錫&hellip 試下一齊去D地方玩啊 例如流冰 去下咩洋公圓啊 等等都OK
我好想去了解佢，唔係表面…但係我可以點做呀
只有一個方法 就係同佢講
其實係問得呢D問題 就正明你仲鐘意你男朋友啦
(如)到真愛就唔好甘易放手 唔係只會後悔
希望本大爺幫到你啦
2009-06-28 1:52 am
你去問下占卜師啦!!連我都幫吾到你T0T
s0r
s0r
收錄日期: 2021-04-13 16:42:08
原文連結 [永久失效]:
https://hk.answers.yahoo.com/question/index?qid=20090627000051KK01321