對我隻狗，我已經無計可施啦...請幫幫我...

我有個舊同事，係大約半年前佢話要搬屋，所以將佢隻北京狗放o左係我屋企寄養。不過佢搬完屋之後，一直唔肯拎返隻狗走，前半個月左右仲講到明，佢宜家住o個度唔俾養動物，決定唔要隻狗！
呢隻北京狗好奇怪，佢對街外人好惡死，直頭係會咬人！初初o黎我屋企o個時對我同我屋企人都好惡，不過頭o個三日左右困籠，之後再帶多佢幾次落街玩，佢就好鍾意同我&我屋企人玩，到宜家其實都仲好嗲~
不過我仔仔o岩o岩出世四個半月，隻狗狗雖然對佢冇咩惡意，不過佢就一時時會吠，搞到我個仔嚇醒係咁喊，亦因為咁，我同我老公仲有我媽咪鬧o左好多次交！... ...雖然佢都好嗲我，但係我真係冇辦法啦，我一定要顧o左我個仔仔先！而且最近唔知點解，我夜晚遲o左返屋企，佢就係咁吠，直到我返屋企...

想請問可以係邊度搵到D人願意領養我隻狗狗，而又會善待佢呢？我隻狗狗係仔仔，今年已經七歲ga la，不過仲未絕育ga，身體仲幾健康，一定唔需要食藥睇醫生！！不過問過我個舊同事，佢o個時原來連晶片都仲未同佢入！！
我應該搵邊個團體幫我手呢？聽講愛護動物協會o既政策，係七日冇人領養隻狗狗，隻狗狗就會拎去人道?滅，係咪真ga？