既然差人已經向你作出警誡，提醒你可以唔比口供…

根據經驗, 有9成入罪嘅人, 都係因為係差館講咗 d 唔應該講嘅說話, 結果搞到律師都幫佢唔到.
例: 最近有單印藉人仕强姦舊女友同偷佢$600入咗罪, 判咗6年半. 個犯喺差館錄影會面在無律師情况下話只係同個受害人瞓埋一張床, 並無發生性行為. 後來律師接咗單案, 上庭前收到 "prosecution bundle (檢控卷宗)", 睇完錄影會面帶, 再見到個法醫報告, 先知大鑊. 法醫報告話受害人下體有 "鈍力創傷 (brunt force trauma)", 即係有俾鈍嘅硬物插入過, 而發生時間同受害人報稱被姦時間吻合. 即係踢爆被告話 "無發生性行為" 呢個講法. 律師想幫佢打同意 (即係有性行為但事主同意) 都唔得. 結果陪審團只係用咗一個鐘頭就一致裁定佢有罪, 係我咁多年見過陪審團最快有裁決嘅 case.
點解差人話咗 "唔係事必要你講嘅..." 咁多人重口若懸河慌死死唔切咁乜都講? 綜合過往經驗, 原因有 3:
1. 以為自已可以給予事件一個圓滿解釋, 早早脫罪. 但除非真係無做, 否則現今科技發達, 一定被踢爆. 到時想救都救唔到. 以上一案係好例子.
2. 入到差館, 心慌意亂, 為求早走, 乜都噏.
3. 當然唔排除有執法黑馬威迫利誘啦.