澳門2日1夜行程

威尼斯人，新濠咁早去唔知有冇野睇，要上網check下
不如咁：
9:00(碼頭)-->巴士-->新馬路-->行-->大三巴-->行-->新馬路餐廳-->巴士-->官也街-->行-->龍環葡韻-->行-->威尼斯人-->行-->新濠天地

，晚飯可選 官也街餐廳(較抵) or 威尼斯人 food court(較方便)，
漁人可去可不去？自已唸....
所有行都唔好行好耐，而且週圍有野買，唔會好辛苦
chris

新濠天地天幕表現唔使錢嫁! 在碼頭上岸後見到宣傳職員，可問她索取換票証，登記身份証仲有100元籌碼劵送，超值!

個show好精彩，我排咗好耐隊都仲要睇兩次，音效同畫面仲有特別效果都好刺激，啲細路睇完嚇到咸，散場時有人會拍掌，一點也不誇張!

2009-06-28 05:17:46 補充：
澳門現正辦荷花節，新馬路議事亭前地噴水池種滿荷花，值得一看。

你ge行程應該係咁：
1. 碼頭
2. (碼頭對面乘搭酒店專車)威尼斯人酒店
威尼斯有food court ，d 野都幾好食，有泰國、越南、美國、日本、韓國等等中外美食，不過就幾貴下，兩個人預計 $150~$200到啦。
3. 新濠天地係威尼斯人隔離，過馬路就可以去到啦，不過暫時新濠天地冇乜野食，冇乜野睇，唯一有睇頭ge就係d 裝修同埋工作人員ge服裝，一入大堂門口，你會見到有一個動畫仿真大魚缸，入面住ge唔係魚，而係美人魚~真係好真ga，到而家我都唔知夠究係人扮定係動畫黎ge...同埋2樓可以去天幕到睇「龍騰」，半個鐘一場，入去感受下身處東海海底遇見傳說中ge龍啦，值得一睇！$70 一位，不過好似話消費滿$60就可以憑收據換取一張票。
4. 之後就坐的士去「龍環葡韻」(葡式大屋博物館)http://www.iacm.gov.mo/museum/viewinfo.aspx?museum=housespop&lang=c，
$20~25，因為我好少聽人講話去葡式大屋博物館，不過我估間博物館係「龍環葡韻」o個到，因為o個到有好多間關於葡國ge 歷史資料，睇完下以去「氹仔手信街」之稱ge「官也街」，由龍環葡韻行3分鐘就到嫁啦，非常之近，o個到有好多澳門ge特色美食，例如，龍so糖、車厘哥夫、咀香園、鉅記咁，記得要食大菜糕wor，好好食ga..$6~15蚊一個，視乎款食及口味而價錢唔同。
5. 想慳d 呢，可以坐的士返威尼斯人酒店，$20~25，跟住搭專車返去港澳碼頭，如果就咁由氹仔搭的士返澳門巿區，要$60左右一程，去到碼頭，可以搭3號巴士或者3A，總之個車頭寫住「新馬路」、「媽閣」都可以去到新馬路，之後落車，可以入去澳門民政總署ge 大樓參觀下，
圖片參考：http://farm1.static.flickr.com/1/193260968_84c3a71c56.jpg?v=0

入面好靚嫁，種滿曬花花草草，值得影相，跟住可以過馬路，到左議事亭前地，有好多唔同類型ge 食肆，有cafe，食雙皮奶、道地街邊炒栗子、鮮果撈等等，你可以見到周圍有d綠色ge路牌指出大三巴ge方向，去到大三巴，就可以去到大炮台，因為o係隔離嫁咋~
6. 最後可以搭的士去漁人碼頭，食ge就有中國茶樓、非洲自助餐、日本美食、同埋澳門懷舊美食，仲有cafe、唔同牌子ge專門雪屋，其實如果晚飯，我會建議去對面金沙賭場到食自助餐。$170~210 蚊一位 (因為我唔記得幾錢一位啦！)

其實我有時過香港，會見到碼頭地下o個一層有間旅行社，o個到租酒店好平呀！...住四季、威尼斯人、永利、MGM都ok ge...

行程大致上係咁，住邊間酒店都冇問題，因為澳門每間酒店都有免費專車返去港澳碼頭，而碼頭都有全澳ge酒店賭場專車免費車你。

有問題可以問下我嫁...
[email protected]