首宗包攬訴訟罪成

包攬訴訟 / 助訟 (Champerty & maintenance) 係遠古普通法. "是否過時" 就未必.
律師幫客人打官司而收取訟費, 明碼實價, 輸贏都係收你咁多. 賠償幾多亦唔關律師事. 咁律師就可以以一個客觀嘅身份去為個客人爭取 / 俾專業意見 / 打官司.
律師瓜分賠償金, 贏咗先有錢收, 贏得大收得多, 咁就變相會令律身處身在有利益關係 / 衝突嘅位置, 唔可以中肯咁俾意見俾個客. 明明輸梗, 都叫個客去打, 博一鋪, 反正輸咗後個客要賠對家堂費時, 又唔使律師俾...
借錢俾客打官司, 打完輸贏都要還錢. 點同「瓜分賠償金」與「不成功不收費」咁, 輸咗無錢收呢?!
美國是有「不成功不收費」與訟協議這類兜售生意的情況, 所以造成美國訴訟泛濫. 你有無留意老麥d熱飲杯, 蘋果批包裝上, 都印有 "Caution: content is hot" / "Caution: filling is hot" 呢 d 白癡字眼?! 就係因為美國訴訟泛濫, d 人去飲杯熱朱古力燙親咀都告上法庭爭賠償. 連美國法官俾乾洗店洗爛咗條褲, 都話要人賠千七萬美金! 訴訟泛濫 達到可悲嘅情況!
美國d律師就日日喺醫院等意外病人入院, 再sell佢打官司爭賠償. 日日通病房走, 專捉 d 醫生醫療失誤. 打針後貼塊膠布時無戴手套都俾人告, 要賠二百萬美金, 因為個病人驚感染愛茲而影響佢同老公性生活! 呢 d 叫 "ambulance chasers" / "ward wanderers", 地位等同九流汽車sales, 亳不受到尊重. 你見網上大把 "lawyer jokes", 就知美國律師地位幾低.
你話是否有問題？