[健身]健身後的問題

睇你點練啦。

其實健身都有好多唔同的方法和效果，除了一般所謂 <練大隻>，也可以是修身，練心肺功能，練耐力，結實肌肉等等。

如果你目標係 <練大隻>，咁的確會減低柔韌性的，加上增肌後個人體重會上升，必然會變成較笨重，令靈活性下降的。

所以練大隻的人，都會做一 d 拉筋運動，維持基本的柔韌性；事實上，有ｄ出賽級的超級大隻佬都做到一字馬的 -- 當然呢個唔多，一般越大隻佬柔韌性都係差點的。

至於靈活性就真係無辦法了，越大隻就一定越重，於是越唔靈活，呢 d係代價，針無兩頭利的。

另一方面，如果你目標和訓練並非練大隻，例如只係要練耐力，練心肺，要紮實等等，咁樣對柔韌性和靈活性的影響較小，不會明顯減低呢兩樣野的。

舉個實例，好多專業跳舞人士都有點肌肉的，不過唔係大隻肌肉型，只會係紮實有線條，但係佢地仍然能夠練出極高柔韌性和靈活性，郭富城就係一個好例子了。