點算好，暗戀咗個老師

佢係我校外進修的亞SIR，已經暗戀咗佢半年，平時一齊放學的時候，如果只有我哋兩個食飯，會咩都講，次次都可以傾成個幾兩個鐘。但如果有其他同學在場，佢又會顯得好陌生，好多時都唔會同我講嘢，每次我只係傻傻咁企喺佢身邊。

上一次同學聚會，睇得出佢會對我係好過其他同學，但唔知道係唔係因為我較其他同學多修了他其他課，可能只是因為同佢熟Ｄ，所以好Ｄ。（但上次食咗４個鐘頭飯，直情係冇咩同我講過嘢）

有一次我冇帶遮佢送我返屋企，之後嗰個星期佢就不停同我講我屋企附近好危險，但我同佢講＂咁咪有籍口俾人送我返屋企＂點知之後的係DEAD AIR LOR!試過佢激嬲咗我，我SEND 咗個SMS表達我的不滿，佢就好快同我對歉!

上堂的時候，佢會對我特別多要求，仲會好唔客氣咁話我，每次食飯的時候佢見我呆呆咁望住佢，佢都例必問我咩事，而我次次都只可以扮冇嘢。嚟緊佢又問我會唔會再跟佢讀書，點算!

我唔知係唔係我太細膽，又唔知係唔係應該話俾佢知，亦唔知佢點諗，有時候又覺得同佢好親近，但有時又覺得好陌生，佢大我１６年，冇拍拖，又未結婚，係一個好嚴肅同好悶的人，我都唔知佢係唔係只當我係學生，只係想教好我。

其實呢件事已經係一個公開的秘密，我Ｄ同學冇人唔知，但係佢個樣就真係似唔知LOR。