帶 熊仔鼠睇獸醫一問 (杰哥請入)

A.唔一定有鼻水先係感冒既,如之前講既咁,初起感冒特徵會比較少,所以都有機會係感冒,鼠鼠初時生病未必會即時好病咁,為左保護自己,怕其他動物知道佢比較虛弱,就盡量唔俾第D動物知自己病,因此唔好因為鼠鼠食得玩得就當佢冇咩野,鼠鼠有抽搐既情況最好就盡快睇醫生;就算唔係感冒,一般唔舒服亦可留意返之前回答過你既事木糠較碎既話會影響呼吸道,盡快更換較大片既木糠,可暫用廚房用一大片既紙巾唻做墊材

唔係個個獸醫都會睇倉鼠,有D會收症都未必好,醫鼠係有一定既難度,所以最好揀D有口碑既鼠醫生,當然要明白醫生唔係神醫,唔係包醫得好,但盡早求醫及小心處理,醫好既機會一定會高好多,如擔心鼠鼠已懷孕食藥會有影響,去到睇醫生時可以同醫生講既;鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

B.鼠鼠個身肥及咬人並唔係即係懷孕,而儲糧係鼠鼠既天性,我屋企隻男鼠都有呢個習慣,以往咁多隻鼠都會有咁既,睇返鼠鼠既腮,都係用唻儲糧,所以鼠鼠就叫'倉'鼠
倉鼠係獨居動物,一籠兩鼠會令鼠鼠感到壓力,而熊仔鼠對壓力係比其他品種更敏感,如果有留意過去既知識,將兩隻熊仔鼠放埋一齊,好多好快就已經病得好緊要,不斷因而死鼠亦有不少例子,加上鼠鼠而家唔舒服,你又懷疑佢懷孕,所以一定要將佢地分籠

雖然一男一女住埋一齊已經有懷孕既機會,但肥左係會有其他既可能;
1.懷孕,又或有打交or一隻蝦第隻既情況
其實鼠鼠係獨居動物,年幼時可能冇咁快打交,所以鼠店可以放埋一齊(但都會有打死鼠既情況),但耐左就好易打交,就算唔打傷打死,都易感到壓力,而壓力有機會誘發甩毛肚瀉等疾病,亦可能令鼠鼠唔食野,被蝦都有可能會係肥既唔俾佢去食,一籠兩鼠多數都係一肥一瘦
懷孕特徵及生b要留意既事可參考以下我回答既知識:
http://hk.knowledge.yahoo.com/question?qid=7009040300745

2.身體突肥,都有可能係因為內臟有腫瘤
留意多d鼠鼠有冇精神,會唔會冇咩胃口同成日訓,排泄物有冇異常,但內臟腫瘤多數好嚴重先發現,所以一定要細心D觀察同留意多D,有問題就要盡快處理

3.食過多零食
如果有俾零食俾鼠鼠,就好易出現過肥既情況,肥胖好易誘發疾病,所以唔好忽視呢個問題
其實只係俾混合主糧已經好足夠,而家既鼠糧都係經研究而鼠成,好有營養既,而主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康
戒口同時要留意鼠鼠要有足夠既空間同活動

4.進入完全成熟期
鼠鼠60日大左右就會進入完全成熟期,身體會有明顯長大,買返唻既鼠一般都係戒奶冇耐,所以如果買鼠1-2個月就會見到鼠鼠明顯大隻左

5.便泌
分辨便泌:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
b)清晒個籠之後,再仔細留意佢既排泄物係咪真係少左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊
d)便秘有時會見到佢肛門附近會濕濕地咁既,甚至見到有便便塞住
便秘要留意既事可參考;
http://hk.knowledge.yahoo.com/question?qid=7009050900645

C.唔需要用沐浴露洗籠,較易留低化學物,鼠鼠生病or覺得污糟之類,可用牙膏刷下個籠唻消毒;而家照睇就唔似中毒
蔬果唔建議俾鼠鼠食,易令鼠鼠肚瀉,雖然而家鼠鼠冇肚瀉,但可避免既危險最好盡量避免,俾鼠鼠食既野要留意既事詳細可參考:
http://hk.knowledge.yahoo.com/question?qid=7008022103115