我媽於30年前來內地來港，後來生左我，我班舅父、阿姨、姨媽等人一直在大陸，由於路途遙遠，又要工作，每隔3至5年，才跟阿媽返一次大陸探佢地！
前年我結婚，由於親戚多數在內地，阿媽叫姨媽同細舅母來港幫手，而我忘記俾利是佢地兩個(這點我承認自己衰)，所以一直食唔安、訓唔落。
下月，我先生放兩週大假，諗住返去探下佢地，順便補返兩封利是比姨媽同細舅母。
點知阿媽非常不滿，話我「做埋D咁既野」，一定要人人有，又話佢地係長輩，我要比錢佢地「買野食」喎！
嘩！大佬，我做細路果陣，幾年先返一次大陸，佢地連一毫子都冇俾過我買野食！點解我要俾呀？
佢地成棚人，我俾得幾多個？
我老公係打工仔咋，唔係開金礦，我平時又要湊BB，不能返工，就算有錢，都留俾BB用啦！
就因為姨媽同細舅母，專程來港幫我打點結婚事宜，做足兩日阿四，所以我至俾，就算當時我記得俾利是，今次，下次，每次返去我都會俾佢地兩個買野食！
我阿媽又話︰其他人唔得閒(指我結婚果陣)落黎嘛！
呢D係佢地既事！
總之我唔理，如果人人有份，對佢地兩個唔公平，我先至「唔會做埋D咁既野」！
為左佢地，攪到要吵架！
我阿媽一D都唔體諒我，我個仔D玩具，得果幾件，全部係上網買既二三手貨，加埋都係買左三百幾，有錢梗係俾個仔用啦！
佢地有樓有田又有車，點解唔體諒我先生，日捱夜捱呢？
我而家好憎佢地成班人囉！
D大陸人個個都好貪錢呀！
請問各位，我應該點做至好？謝謝！
更新1:
首先多謝你地解答！ 我係打算靜雞雞俾佢地2人，但係佢地唔會保守秘密... 第二位講中左，我同意這點，D人把口好衰，有口話人冇口話自己，冇家教3個字，我信佢地罵得出！ 例如我最討厭既大舅父，成日話我周街去易學壞，叫我老豆管緊D，點知，清白過門的是我，反而佢個女(我表妹)未婚大肚，自己個女唔正經，有咩資格話我老豆？ SORRY，我扯遠左！ 佢地冇幫手，如果有份，豈不是「不勞而獲」？ 佢地唔俾我，我冇理由俾佢地囉，所以打死我都唔俾，一個正常人，都唔好意思收人地d錢啦！ 姨媽同細舅母好少來香港，而家唯有等佢地來，我不返去了！ 再次多謝大家！
更新2:
係呀！個個都黎攞，真係好唔掂！ 我先生打份工，唔係財神！ D大陸人仲以為香港人好有錢！
