平時買嘢攞膠袋可以再用如裝自己嘢，但要膠袋要5毫，上有政策，小市民可以點對策？
事實上，好多人咪又係要買垃圾膠袋裝垃圾，用膠袋入其他嘢，但就係要小市民比辛苦錢出黎，小市民人工幾多，九官人工幾多？大家都係比同一個金額，係不合理。都唔知個庸官點諗嘢點做嘢的，咩都唔識解決就係鐘意收費，咁高人工諗收費駛咩你做官呀？我支持環保但唔支持收額外費用，即是說我唔希望鼓吹一種錯誤思想，就係你有錢可以要幾多個膠袋都得，有錢就可以唔環保。
其實在今天的科技，在多年前已能做到環保膠袋，但政府唔推廣唔扶助企業，所以很多人都唔知，以為膠袋只有唔環保的一種，所以當環保部門的庸官藉口環保要收費，成件事好似變得有咗個光環，變成合理，事實上係環保庸官無能，都唔知憑咩可以做高官。
事實上，小市民有多少能力唔環保，似乎最唔環保係政府高官和高薪厚祿的一批朱門酒肉者，我地一百幾人逼一架巴士，佢就連司機兩人一架私家名牌車，住大屋（浪費建材）、食貴嘢（山珍海錯、捕捉稀有物種）、過度揮霍享受、過度旅行（更甚者出動私人飛機），過度玩樂消費（有的亂渣遊艇只為心情），耗用地球資源，最浪費就捨他們還有誰？小市民可以浪費到佢地一成嗎？
政府唔管大的，管細的，仲發放不盡不實環保的資料，推出收費計劃，九官才能幾低可以見到清清楚楚，請大家真心講講意見，謝謝。
（引用本文請通知）
更新1:
你講得啱，細路仔都諗到，但細路仔仲好過佢地，因為細路仔唔會將胡思亂想化為政策毒害社會，但某啲高薪同時無能既官員卻會為禍。
