我係同我屋企人一齊住係一d公共屋村果度。大概2006年開始,住在樓上果家人果部冷氣機經常性滴水,十分滋擾!連windows亦比d冷氣水滴到變哂色,亦都試過向管理處投訴,但管理處一直都冇做出適當既行為,真係唔知交咁多管理費黎為乜!
起初媽咪亦諗住大家係鄰居,唔好搞差d關係,所以都冇追究落去。但去到今年四月,我地屋企裝修,所有野都係新既,點知樓上既滴水情況一直未有改善,甚至變本加厲!大佬,我地d windows係新架,冇理由又比班衰人d水整到變哂色呀?
我地曾經聯絡過管理處個主任,但次次搵佢,個職員唔係話佢唔係度就話佢好忙。幾經辛苦終於都搵到佢,而果位主任亦「好有責任心」地話會跟進事件,到最後當然係冇左件事啦!
今次我地成家人都忍無可忍,決定要作出行動,但又唔知可以向邊個政府部門求助。請各位幫幫忙,諗諗辦法,thanks!!!