政府暑期工面試

份工是請大學生的話，要預咗會是用英語面試，面試以交談形式形進行，大約20分鐘左右。政府工的面試都是三位主考官，輪流向考生發問，會要求你發表意見。他們會從中了解你是否識合那份工作，觀察你的性格。
面試絕對有主觀成份，所以印象分在考生水平接近時起著決定性作用，遲到的就算仍肯接見你，合格的機會也會極微。儀容極重要，要整齊、整潔，穿著不要過份誇張，也不應過份隨便。面試前一般都要你先出示有關學歷文件、身份證明文件給職員核對身份、學歷，千祈唔好帶漏。
面試究竟會問甚麼問題？最熱門的的應是問對那份工作你有多少認識？對他們的部門(公司)有多少了解？你有過甚麼工作經驗？你有那些專長？這些問題的答案你應該預備一下。另外有些考官會問你工(課)餘會參加世麼活動、有甚麼嗜好？諗定一、兩個有益身、心的嗜好作答會有著數，唔會剩係問你嗜好名稱咁算單，會問得深入D，例如你答行山、踢足球，佢唔止會問你行山有乜好處咁容易答，可能會問你如何處理行山時出現意外，例如俾蛇咬、被打劫你會點應付。所以答嘅嗜好要有一定認識，如果喜歡足球，唔知上屆世界盃冠軍係邊隊，唔知碧咸擅長踢乜位置！你都會幾麻煩。唔會叫你即刻走，但印象分唔會高。
在應對時一定要保持禮貌，在發表意見時可盡量表達你對事件的了解，但不要發表過偏激的言論。有問題唔識答係好正常的事，因為有極多考官喜歡要問到考生唔識答來看考生的反應！你要有心理準備可能碰到這樣的考官，在面對不知道答案的問題如何應付是有點技巧的，立即表示不懂會顯得你唔尊重佢，但思索得過久，或啞口無言太耐又會令人覺得你反應遲鈍！一般表現出思索一會(大約5~10秒)才有禮貌答複話自己唔識比較得體。
問：份工要求你要識用一種軟件,interview會唔會考點用?
答：通常唔會夠時間考埋你實際工作能力，上工時知道你完全唔惦佢哋自有處理方法。
問：因為佢無好詳細講份工負責做d乜,我可以點準備?
答：份職位無說明工作做D乜嘢，唔識準確答複好正常。但你應該憑佢要求入職條件，答出你猜測(一定要說明是猜測，猜錯都唔係大錯)大約會面對甚麼工作就顯得你比別人細心。要識用一種軟件就一定和操作電腦有關，以我猜測極可能是做資料輸入嘅工作。
這裡有一個勞工處"暑期工就業資訊網"，其內容有介紹面試技巧，希望對你有幫助。http://www2.jobs.gov.hk/big5/summertemp/index.aspx