可以怎樣開解男朋友呢?

其實，佢有冇諗過想轉工?
或者呢間公司冇機會俾佢發展，咁點解唔試下去第二間呢?
你可以試下問佢，係咪做得唔開心,問佢有冇考慮過轉工先。
如果冇o既，冇問題!可能佢係覺得而家搵野做唔易。
咁你就唔好再追問落去喇!
其實男人o既野，佢都唔希望令你覺得佢冇用，
所以可能佢唔會o係你面前講太多工作o既野。
既然係咁，我覺得你就唔好多問，因為只會令佢覺得煩!

平時你同佢出街，可以就佢多d啦!例如佢問你今晚食d咩呀咁，
你就答佢，你做野咁辛苦，不如食餐好少少啦!~
咁又唔會太刻意，又令到佢知道你係明白佢做野辛苦o既!

又或者見佢坐低o個陣，溫柔d行埋去幫佢按摩一下，問下佢攰唔攰呀?不如幫你dup下骨丫咁。佢一定會知道你o既心意o既!


總之記住!!!唔好太直接咁成日問佢公司d野!我o既做法可能未必可行，不過我相信只要你真係為佢著想，佢一定會明白!

希望幫到你地啦!^^

最好不好給意見便最好!!!男人自尊心强,妳咪扮小鳥依人令佢多d成功感, 好work , 百發百中!!!!!!!!

只要聽 不要問太多
表現出無論點你都支持佢
even 唔做你都支持佢
做男人一定有能力解決o既
你比咁多意見佢反而令佢覺得自己無能tim

叫他先唔好看小自己,只系現在沒有機會給他發揮表現的機會!
可以同佢講會有其他人欣賞佢,時間問題,但現在就最欣賞佢既人就你女朋友我啦!

你可以聽佢講,俾意見佢.唔好問佢咁多嘢,你明白佢諗乜,點化佢/支持佢就得.唔使太刻意,男人唔受嗰套.佢需要你,你先幫佢.

其實作為女朋友，或者你可以給予他多點思考的空間，因為男女的減壓方式，大家所要的支持，相對都不同。
女性有壓力要不斷同人訴說，之後內心就會舒服；相反男性有壓力時，就安靜去思考，他們要自己去想明白。你愈問他們只會加重對方情緒的負擔。
你可以透過其他方式去支持他(e.g訊息)，要他知道你支持他安靜思考，他幾時願意分享就分享。如果他不說你就不好問太多。你只要聴他說或者安靜地陪伴
如果男女相處可以睇下《男女大不同》.......可以提供一點意見參考。
以上一點個人相處的意見，希望你有用啦。